[A:30]
bcu gcig pa'i tshes bcu gsum la/ lha sar rin po che pas/ dben gyi mi dpon rin chen dpal thong tshon dang / nag ter gle'u shi'u la sogs gser yig pa dang / dpon chen dbang phyug dpal gyi gtso byas mi dpon thams cad 'dzoms pa la/ chen po bo ba'i phyag tu gtad/ spyir yang drung chen po ba 'di pa la thog ma nag chen po thams cad mthong dang / bkur bsti che zhing / khyad par du'ang lung 'di slob phyir bcad gdan sa chen po'i gdung brgyud phal cher gyis kyang / dbu zhwa phud cing phyag len pa dang bla ma shar pa/ bla ma kun spongs chen po tshang zhu'i gung / bla ma mus pa rgya mtshan dpal bzang / bla ma dbu rgyan pa la sogs slob dpon chen po rnams kyi phyag lan mdzad/ lo tsa ba blo sems brtan pa/ bla ma mnyam med grags rgyal la sogs dge ba'i bshes gnyen chen po kun dang / gtsang gi lha sde stong skor dbus phyogs kyi dgas po bka' brgyud/ bka' gdams/ mtshan nyid/ 'dul 'dzin la sogs chos sde chen po'i rin po che dang / mkhan slob chen po rnams dang / sa skya'i dpon chen dbang phyug dpal/ dpon chen bsod nams dpal/ rgyal ba bzang po dben shri/ dbang brtson 'grus phyug si tu la sogs mi dpon chen po kun dang phyag rtse sprod/ gral mgor 'phul res mdzad/ son lbi sa'i thung ji/ hu shri da ru ga che/ khri dpon la sogs dbus gtsang gi mi dpon/ nye gnas/ dpon skya/ chen po dang chen por rlom pa phal cher phyag dang zhe sa 'bul zhing gong du bkur te/ sus kyang mi bkur ba dang /