[A:31]
mi smon pa/ gsung bzhin mi sgrub pa med/ rgyal brgyud/ mi chen/ ji ltar drag rtsal che zhing 'jigs su rung ba rnams kyang / drung rin po che dang mjal nas/ byang chub sems kyi nus pas dbang du 'dus te/ gdug pa 'dul zhing zhi dul can du gyur nas chos kyi 'brel gtam 'dri zhing / bden pa'i bka' bzhin sgrub pas/ bstan pa dang / sems can spyi dgos bye brag pa thams cad la gnod pa bzlogs shing phan pa rgya chen po 'gruub pa/ sku drin sku skyobs shin tu che ba yin/ sngon nas mdza' zhing bshes pa rnams dang ni/ nam yang 'khon pa med la/ sngon mi mdza' ba tha dad yang / drung 'di pa'i ring nas mdza' zhing mthun par gyur/ che 'bring chung gsum gang la gang 'os kyi grogs lugs dang / zhabs tog / phan 'dogs mdzad de/ ma'i dbang po rgyal po chen po brgyud pa dang bcas pa rnams la rgyal khams spyi'i mgo'i bdag po yin mod kyang / se chen rgyal po rgyal bur bzhugs pa gtegs tshul grib gnad kyis/ dgos bdag mdzad nas skyong ba'i drin yod pa'i drin lan gzhan ci mjal/ gong ma'i lha khang 'di'i zhabs tog las lhag pa dang / sku'i rim gro srol ma rnams ma chag par sgrub/ 'jam gan gyi khral la gzhan bzhin snyad 'khreb 'dzur gsum mi byed par zhe dam bcas nas 'jal ba/ gong ma'i gser yig pa che chung ji 'dra zhig yin yang / gong ma 'dra bar bsam nas/ zhabs tog gang dgos byed pa dang gcig // dpal sa skya pa 'di/ chos rje sa chen nas gzung nas/ dam tshig gi 'brel/ se chen rgyal po gdan