[A:3]
byed par 'gyur bar the tshom med/ thams cad byang chub lung bstan te/ nga yi byang chub mchog thob 'gyur/ de ngan 'jig rten sbyin gnas gyur/ srid pa gsum gyis mthar yang byed/ sngags dang rgyud la sngon brtson pas/ grags pa 'dzin par shes par bya/ ston pa'i gsungs pa steng du/ dus mthar 'jig rten nyams pa na/ sdom brtson rgyal po'i tshul gyis ni/ 'byung bar 'gyur bar the tshom med/ ces dus mthar pa'i steng du ston pa'i bstan pa rnam par nyams shing snang ba med par gyur pa na/ slar yang ches cher gsal bar byed cing / ston pa'i sku gzugs yid du 'ong ba/ lha chen dpal 'bar byed par 'gyur la/ 'jig rten sbyin gnas chen por gyur nas/ gnya' dang rgyal khrims la sogs rgyal po'i tshul gyis 'gro ba 'dul zhing srid pa gsum gyi mthar phyung ste/ thams cad byang chub lung bstan nas/ bdag nyid kyang byang chub mchog 'thob par 'gyur ba/ sngags dang rgyud la mngon par brtson pas sdom brtson chen por grags pa'i phyir brtson 'grus grags pa zhes bya ba ni/ zhang 'gro ba'i mgon po rin po che yin la/ yi ge ma zhes gzhon nu zhes/ dang po tha mar chos la dga'/ zhes dang po bsam pa dang / tha ma