[A:4]
sbyor ba'i bde nas chos la dga' ba ni dpon chen dar ma gzhon nu yin te/ de'i lhag ma'i rgyud las kyang / gzhan la rab gnas 'tsho byed pa/ de'i 'og tu sa skyong ba/ sa srungs 'tsho bas gnas pa yin zhes so/ de'i 'og tu de'i brgyud ba las/ gzhan gdul bya dang / dkon mchog gi rten la dbang bskyur zhing rab tu gnas pa dang / bdag nyid dam pas 'tsho bar byed la/ sa chen skyong ba'i bka' yis sa steng srung zhing bstan pa dang 'phrin las rgyas par bskyang ba'i slad du/ slar yang 'byon par/ dgos 'dod re skong ma las/ bstan pa'i gzhi mo gtsug lag bzhengs/ rang gi sku tshab shakyA thub mdzad/ snyigs ma'i dus su sprul pa bstan/ zhes dang / bla ma 'ol ka bas/ khang rin po che la/ khyod kyis gdan sa gtsug lag khang 'di/ dus phyis dpon skyas 'dzin pa dang / chus 'jigs pa zhig yong bar gda' ang gsungs bas/ khang rin po che'i zhal nas/ de'i dus su nga rang 'ongs nas grogs byed pa yin zhes/ zhal gyis bzhes pa ltar/ rje btsun rin po che 'di ni/ 'gro ba'i mgon po'i sprul pa yin la sangs rgyas thams cad gros byas nas/ sprang phan 'gro ba'i don du bkral/ zhes gsungs pas/ 'gro ba'i mgon ni/ sangs rgyas thams cad kyi sprul pa yin pas/ de phyir rgyal ba kun dang sku gsung thugs/ dbyer med/