[A:49]
'jig rten gyi bya ba mdzad pa'i dus su'ang / chos brgyad kyi spong sgrub/ nan tur gyi chad pa la sogs ltar tsam du ston pa ma gtogs/ don la nyon mongs pa rang bzhin dbang du gyur pa med de/ mi dge ba bcu las/ mi'i srog gcod pa ni rnam pa kun tu spangs te/ gros dang yi ge gang gi'ang gseb tu mi zhugs pa'i dam bca' mdzad 'dug // dud 'gro la sogs la skye ba gzhan gyi ched du g.yog 'khor la sogs kyis dbang med du 'tshe ba byung na 'ang / thugs la 'tsher snang bsam gyis mi khyab pa 'khrung bas dge ba'i sems 'phel ba ma gtogs de la dgyes pa dang zhal ta mdzad pa ma srid pa yin/ sa cha thams cad du mis gtso byas sems can thams cad srog slu/ nye'u 'don/ ri rgya chu rgya la sogs kyi srog bskyabs pa bgrang gis ga la yang / nyes byed ma rungs pa tshar ma bcad na mang po la gnod pa 'gyur ba rnams/ gser 'od dam pa'i mdo rgyal po'i bstan bcos lha'i dge po'i dam tshig la sogs nas kyang tshar bcad par bshad/ 'on kyang thabs la mkhas pas/ nyes pa lci ba rnams yang ba/ yang ba rnams nyes med du bskyabs pa 'ba' zhig yin/ ma byin par len pa/ dkon mchog skor la ni nam yang mi reg pa yin/ gtsug lag khang dang / dge 'dun gyi zhabs tog sgrub dgos pas/ 'di kho na'i zon 'dzem bag mdzad/ khral srol chags ni blos blangs pas ma byin pa ma yin te/ 'dul ba lung las kyang /