[A:50]
dge sbyong gis kyang shi lam mjal bar bshad yod/ 'on kyang gzhan gyi ched ma gtogs/ rang ched du len pa 'ga' yang mi mdzad/ spyir 'jam dgos kyi bsdud chen rang nor gyis gzhal nas tshur len dgos bcag pa shin tu mang / 'dod pa la log par g.yem pa ni rmi lam du'ang med cing khab tu gnas par ston pa'ang dgos pa'i dbang las gtogs 'dod sred rang kha ma ga la yin/ khyim pa'i phyogs kyi tshul khrims la shas cher gnas pa yin/ ngag gi rnam pa bzhi las/ sdom pa gsum gang bkag pa de rnams ni spyod pa mi srid pa/ gnang ba gang yin pa de rnams ni don chen por 'gyur ba yin no/ yid kyi gsum ni/ rnam pa thams cad du yong mi mnga'/ de rnams kyi gnyenapo 'dod pa nyes dmigs su blta ba dang / byams pa dang / snying rje/ lta ba phun sum tshogs pa shin tu stobs gyur pa mnga' ba yin mod/ des na bdag nyid kyang mi dge ba bcu las bzlog cing / dge ba bcu sgrub nas/ gzhan dbang kyang mi dge bcu las bzlog cing / dge ba bcu la rab tu 'god/ dge ba bcu'i khrims kyi 'jig rten gyi ma rung pa rnams 'dul/ 'jig rten gyi bya ba rnams chos phyogs su kha lo bsgyur/ 'jig rten kun la phan par mdzad pas gtso bo'i 'dren par gyur pa lags mod/ de ltar 'jig rten gyi spyod pa 'dul ba'i dbang gis ston dgos byung ba ma gtogs sku tshe mang po nas/ 'khor ba'i skyon gzigs thar pa'i rigs rgya pas/ thog ma nyid nas dam chos dgongs rdzogs kyang / dam pa'i tshul phyir 'jig rten kun yangs nas/ des 'byung bsnyen par rdzogs la phyag 'tshal lo/