[A:54]
bzang po la/ las kyi slob dpon zhus/ mkhan chen shes rab mgon pa la/ gsang sde ston pa zhus nas/ dad pa'i dge 'dun dge slong nyi shu rtsa bzhi tsam dang 'dzoms sar/ legs par gsungs pa'i chos 'dul ba la rab tu byung nas bsnyen par rdzogs shing / dge slong gi dngos po brnyes par mdzad/ mkhan slob dge 'dun thams cad yon gyis mnyes pa dang / rab tu gnas pa'i ston mo rgya cher mdzad/ de'i nyin mo ring nas bsam pa'i don grub/ brtson ra las thon/ chu bo las rgal/ mi 'jigs pa thob/ bsil bar gyur/ rnyog pa med/ rab tu dga' ba'i sa thob pa lta bu'i dgyes tshor chen po byung bar gda'/ de nas bzung nas shAkya'i dge sbyong / bslabs pa 'dzin pa/ yon gyi gnas/ lha dang mi thams cad kyi phyag dang mchod pa'i 'os su gyur pa lags/ de nyid kyi rnam par thar pa'i rjes su 'jug pas/ yum dang sras/ slob ma/ 'khor g.yog // skal ba dang / bsod nams dang ldan pa gang yin pa thams cad/ sdig pa dang sdug bsngal la ma tshud/ khyim nas mngon par byung ste/ dge 'dun dkon mchog gi gral du gshegs pa lags mod/ dgung lo bzhi bcu zhe brgyad pa la/ gong du kha gtad nas/ ljid khur phogs pa'i lung yang slob/ de phyir bcad bag tsha ba dang / dgos pa mi mnga' bas/ gtsug lag khang 'di dang / bdag cag rnams la phan pa'i ched du/ chen po rnams dang lan re tsam mjal ba dang / chos mthun gyi zhal ta'ang bag re mdzad pa lags/ bsnyen par rdzogs nas/ skyid chos/ btang snyoms las pa ma yin/ bla ma dang sangs rgyas mkhas grub