[A:53]
dge bsgrub pa gsum pa ste/ rtse gcig yid ni yod par gyur pa bzhi par gsungs/ ces gsungs pa ltar/ sngon gyi rgyal bu don thams cad grub pa yang / dgung lo nyi shu rtsa dgur khab tu bzhugs nas/ mngon par byung ste/ lo drug dka' ba spyad nas mngon par rdzogs pa sangs rgyas/ byang chub sems dpa' chen po rnams kyang khyim nas mngon par byung bar bstan pa ches mang gi/ khyim du rtag par gnas pa ni ma yin te/ dam pa'i tshul ni go rims de lta bi yin no snyam du sgrub par bzhed nas/ chu pho khyi'i lo la dpal gyi ri bo btab/ dgung lo bzhi bcu pa phag gi lo la bdag cag gong nas 'khor ma thag // 'tshal pa khri skor gyi khur bdag la phogs/ mdzo khal ra la byo/ bong thor la sa ya bkal/ lo gsum gi mgo 'dren dang / zhal ta mdzad par zhal gyi bzhes pa bzhin mdzad nas dgung lo bzhi bcu zhe gnyis pa shing mo glang gi lo rdzogs par phyir bcad/ sku mtshams 'ba' zhig mdzad/ su dang yang ma mjal/ 'jig rten gyi bya la zhal ta ma byon/ thugs ma bcug // gong du lung lag rtags gtod mi btang / de'i lon ma slob kyang 'jig rten gyi bya ba thams cad mi gtsang ba'i skyugs pa'am/ phyag dar khrod kyi rtsa ltar dor/ dgung lo bzhi bcu zhe lnga pa sa pho 'brug gi lo dbyar zla dang po'i nyi shu bdun la pan chen shakyA shri'i gdan sa ba jo gdan tshogs pa chen mo'i mkhan chen bsod nams dpal ba la mkhan pos zhus/ 'gro ba'i mgon po zhang rin po che'i gdan sa ba/ rin po che yang dgon pa byung chub dpal