[A:56]
ldan pa'i sku drin chen po rnams gtsug gi nor bu ltar bkur ba smos ci mtshal/ chos kyi 'brel tshad brgyud pa dang bcas pa la ngo lkog med par phyag dang zhe sa/ bkur sti dang mdzad cing / brnyas pa dang / mi gus pa rnam pa dus nam yang mi mnga'/ tha ma zang zing gi zhabs tog // bla ma thams cad la bzhugs dus bsnyen bkur dang 'bul ba/ gshegs dus rten dang dus mchod/ gdan sa dang slob ma thams cad la skyongs dang zhabs tog rgya chen po mdzad/ longs spyod 'phangs med du gtong ba yin/ de ltar mnyes pa gsum gyis bla ma dam pa rnams mnyes par mdzad pas/ lam zab mo dus thams cad kyi lam tshang du rdzogs te/ yon tan gang bzhugs bum pa gang byo'i tshul du thob/ sku gsung thugs kyi byin brlabs zhugs pas phrin las thams cad lhun gyis grub/ byin rlabs kyi thugs dang mos gus kyi yid 'dres pas/ lung gi chos ji snyed pa dang / rtongs pa'i chos ji lta ba mkhyen pa'i yid sems kyi ngo bor dbyer med du gyur pa yin no/ bla ma de rnams la bka' drin thob pa'i tshul ni/ lung rig gdams pa mang du thos pas phyug // de don bsam pas bden gnyis sgrong dgos chod/ ????slob dpon dbyig gnyen gyis/ tshul gnas thos dang bsam ldan pas/ sgom sa ma ni rab tu sbyor/ zhes pa ltar/ bstan pa'i bya ba gsum ji ltar mdzad pa'i tshul las/ dang por mi shes pa kun shes par bya ba'i phyir/ mtshan nyid dang ldan pa'i bla ma gang dang gang las/ lung rig dang gdams pa mang du ji ltar thos pa'i tshul ni/ bla