[A:57]
ma kun gyi nang nas sku drin 'gran zla dang bral ba/ thugs 'dres byin brlabs zhugs pa'i bla ma/ zla ba dang nyi ma zung lta bu ni/ thog mar 'gro ba'i mgon po che'i gdan sa pa/ bla ma sangs rgyas rin po che dang mjal ba/ mos gus tshud/ chos rin po che/ 'gro ba'i mgon po rin po che nas brgyud pa'i gdams pa'i snyan brgyud/ phyag len gyi mthong ba brgyud/ rtogs pa'i don brgyud byin brlabs kyi chig brgyud/ yon tan bum pa gang byo'i tshul du thob pas/ sku drin che bas mtshan ma'i mun nag zla bas gsal ba lta bu yin/ de'i drin las thob pa/ a bha ya ka ra nas brgyud pa zhang 'tshal pa'i phyogs kyi byang chub kyi mchog tu sems skyed pa/ zhang gi phyag len rdo rje phag mo/ rga lo lugs kyi sbyor drug // yer pa ba'i lugs kyi lam rim gyis pa dang / kha 'thor ba/ be bum dmar po/ mon pa gdong gi bka' brgya pa'i skor/ sgrub thabs phyi nang gsang gsum/ gong khung ma/ zhal nye ltar/ zhal gdams/ rin chen dbang gi gdams pa/ thod nag // khyung / tshe sgrub/ ser ba/ 'tshal pa'i rgyun gtor