[A:58]
kha 'bar la sogs gtor ma'i rim pa/ ka lbi ngan song sbyong rgyud/ 'jigs byed ra lugs kyi dbang / gshed dmar lha bcu gsum ma'i bdag // sgrol ma lha khang 'dun gyi dbang / nyi shu rtsa gcig pa'i sgrub thabs la tshogs dang bcas pa rnams/ phyag rgya chen po/ grub pa'i rgyal mo nas brgyud pa'i tshe dpag med/ bha ya na'i phyir bzlog gi bskor/ brtag gnyis me lugs kyi tshogs bshad/ bla ma lnga bcu pa/ rtsa ldung bcu bzhi pa/ skyes rabs la sogs pa rnams thob/ de'i rjes su bla ma mkhas grub chos rje dus gsum gyi sangs rgyas rin po che thugs rje can/ byin brlabs can/ sku drin can de dang / drung rin po dgung lo sum bcu so gsum bzhes pa'i lo la mjal/ mjal ma thag tu/ sngon gyi sku tshe mang por rjes su gzung zhing / byin gyis brlabs pa'i dam tshig gi bag chags sad de/ sangs rgyas dngos kyi 'du shes skyes/ bcos ma ma yin pa'i mos gus thob/ tshad bzung med pa'i gdung shugs 'bar/ yun ring po bston pa dang / thugs dam khrid long cher ma byung yang / zla ba gcig tu nyin mtshan med du gsol ba btab pas/ lo zab mo mos gus kyi lam dus gcig tu bsgrod nas/ bla ma'i byin rlabs zhugs te/ lhan gcig skyes pa'i yid sems kyi rtogs pa 'khrungs pas sku drin che ba/ nyi ma'i dal shar bas mun pa dus gcig tu sangs pa lta bu yin/ de'i drin las thob pa'i phyag rgya chen po khrid/ gcod bka' brgyud/ gtum mo glan lugs/ ha dmyi rgya mtsho/ ku su lu'i tshogs bsog go/ dbyug pa'i gdams ngag // bde mchog dril bu ba'i dbang / tshe dpag med kyi dbang /