[A:6]
thub dbang bstan pa 'dzin skyong spel ba'i phyir/ bstan pa'i snying po bod kyi ma ga ta/ bstan gtsoo mchog gi sprul sku bzhugs pa'i bar/ smon lam dbang gis skye ba bzhes la 'dus/ sprul pa'i sku bsams bzhin skye ba bzhes pa ni/ thub pa'i bstan pa 'dzin skyong spel ba'i phyir yin la/ de sgrub pa la ni/ bstan pa gang du gnas pa'i sa'i snying po der skyo ba byung dgos shing / bstan pa gnas pa'i sa'i snying po de ni ma ga ta zhes pa/ yul dbus yin la rgya gar rdo rje'i gdan du rgyal ba mngon par byang chub cing bstan pa byung bas ma ga ta zhes brjod cing / da lta 'dzam gling phal cher na bstan pa nub pa la ltos nas/ bod 'ba' zhig na dar bar gnas shing / dbus gtsang khams su la'ang dbus kyi yul 'dir sa bcu'i mgon po'i sprul pa chos rgyal me dbon rnams dang / lo paN skyes chen khyad par can rnams byon nas/ dam pa'i chos dbu brnyes/ srol gtod/ dar zhing rgyas par mdzad pas yul dbus kho na yin no/ dbus gtsang g.yas ru/ g.yon ru/ dbus ru/ ru lhag bzhi ru bgos pa la ni dbus su skyid shod yin la/ sangs rgyas dngos dang mtshungs shing / 'dzam bu'i gling na 'gran zla med pa/ bstan pa'i gtso bo mchog gi sprul sku jo bo rin po che bzhugs/ lha sa 'phrul snang gtsug lag lag khang na yod pa de ni/ bod kyi ma ga ta yin no/ 'jam dpal rtsa rgyud las kyang / lha ldan yul zhes bya ba yi/ gangs can rii'i nang gnas pa/ zhes gsal por gsungs ba lta bu bod nang yul gzhan la med do/