[A:5]
khyed kyi rnam thar pa bsam mi khyab/ 'on kyang gdul bya'i blo ngor gang 'tsham du/ ji ltar bstan pa na bdag la gus pas bstod/ de ltar sprul pa'i sku khyod sangs rgyas thams cad dang sku gsung thugs dbyer mi phyed pa yin te/ mdo sde rgyan las/ sangs rgyas nyid du gyur nas de dag kun/ rten kyang cing kyang rtogs pa che la dang / mdzad pa gcig tu 'dris shing rtag par yang / sems can tshogs bcas nye bar spyad pa che/ zhes gsungs pas so/ de bas na khyod kyis rnam par thar pa'ang bsam gyis mi khyab ste/ 'phags pa nor gyi rgyun gyi gzungs las/ sangs rgyas bcom ldan bsam gyis mi khyab ste/ sangs rgyas chos kyang bsam gyis mi khyab pa lags/ ces gsungs pa ltar ro/ 'di ltar bla ma sangs rgyas su 'dzin pa la 'ga' zhig gis gshe bar ni mi bya ste/ rdo rje gur las/ gang nyid rdo rje bsam zhes/ de nyid slob dpon gzugs su 'dzin/ sems can phan bdag dmyi nas ni/ tha mal pa'i gzugs kyi gnas/ zhes gsungs pa'i phyir ro/ 'on kyang da lta'i gdul bya'i blo'i ngor gang 'tsham du rnam par thar pa tshul ji ltar bstan pa mos par byas shing brjod pa la skyon med de/ nyan thos rang rgyal la sogs rnams kyis/ rgyal ba'i longs sku'i yon tan ma rtogs mod kyi/ bstan pa'i sprul pa'i sku'i yon tan brjod kyang bskur 'deb su mi 'gyur ba ltar ro/ de bas nas bdag nyid chen pos bstan pa'i rnam par thar pa la/ bdag gis gus pas bstod pa bya yis/ gdul bya thams cad kyi mos gus rgya chen pos gzung zhing gsal ba gdab pa'i rigs so/ rnam par thar pa ji lta bu ce na/