[A:82]
phyag bzhi pa sgrub cing mchod pa'i cho ga rim pa gsal ba/ 'jig rten mig bsgyur gyi mkha' 'gro la lha sgrub cing gzhan don bya ba'i tshul/ bya byed gtor ma'i rim pa/ nor bu'i 'od zer sku mtshams la 'jug dus kyi zhal bskos la sogs/ thams cad chig bsdus la don rgyas pa/ gnad zab la go sla ba/ zhang rin po che'i chos rgyud mi 'chad pa dang / 'tshal pa'i lugs kyi lag len rnam par dag pa la phan par 'gyur ba 'ba' zhig yin/ thos bsam gyi shes pas don spyi'i rnam pa go yang / sgom byung gi rtogs pa ma shar na bdag gzhan grol bar mi nus pas/ sgom pa kho ma gtso bor mdzad/ khrid rnams zhu ba'i dus su rang rang gi bshad tshod kyis nyams myong skyes skyes su zhus/ nyams su len pa'i dus su gegs sgrol sgrol/ bgos thon thon du nyams su blangs pas/ lta bas theg chen sgo pas gzhung bsrongs/ spyod pas gegs thon/ 'bras bu phral du gtan la phebs nas/ sgo byung gi rtogs pa'i shes rab kyis thugs grol bas/ gdul bya thams cad kyang byin brlabs dang / brda dang khrid bstan pa mi grol te/ khrid btab tshad la/ rab rtogs pa/ 'bring nyams myong / tha ma'ang sems ngo ma 'phrod pa mi srid par gda'/ de ltar klog pa kha gton gyi 'khor lo dang / sgrub pa bstan gyi 'khor los/ rgyal ba'i bstan pa la bya ba rgya chen mdzad/ bstan pa 'dzin pa zer ba yin/ de thams cad kyang sdom pa gsum gyi sgom nas sku gsung thugs rgyud la 'byor ba yin te/ tshul khrims rnam dag nyams pa'i skyon ma gos/ byang chub thugs 'byong brlabs chen spyod pa mdzad/ gsang sngags dbu brnyes/