[A:83]
sdom gsum bslab pa mchog gyur phyag 'tshal lo/ gzhi so so thar pa'i tshul khrims la bcas nas rang bzhin dang bcas pa'i kha na ma tho ba phra mos kyang ma gos par mdzad/ bslab pa phra mo'ang khyad du mi gsod/ dus tshigs la gleng ji snyed 'dus pa dang dad thabs gcig tu gso sbyong mdzad/ 'dul ba'i las phra mo rnams kyang bshad tshod bzhin mdzad pas/ btsun pa'i rab tu gyur pa yin/ rkyen byang chub kyi thugs 'byongs te/ sha la bab pa'i thugs rje mnga'/ spyod pa thams cad gzhan don brlabs cher 'gyur ba 'ba' zhig mdzad/ rang 'dod kyi 'khri ba med/ byams pa'i stobs kyis skyes 'gro thams cad dga' zhing 'dun/ khyad par du dud 'gro rnams mi 'jigs par bag phebs/ dpal ri'i gling gseb tu sha ba la sogs dus 'gro phal cher mi dang 'grogs kyin sdod/ zan byin pa lag nas blangs kyin za/ gang bzhugs su gsol lhag gis bya byi'u thams cad gso ba la/ bya byi'u dpag tu med pa 'dus shing rtag par za yang / 'thab rtsod mi byed/ tha na bag bsdams nas nye 'khor du bran yang mi gtong / khyi lo'i ston lha sa sde bzhir byon pas/ byang tshong pa'i lug gcig gsod la khad 'dug pa thag pa bcad nas/ drung gi phyibs pa'i gdong du byung nas gar yang 'gro ma nyan par skyabs zhus/ de la rten nas srog bslu mang du mdzad/ yi dgas rnams kyang gus te/ gnas gzhi la sogs rgyal 'god can ji 'drar bzhugs pa dang / btsan bdud gnyan po yod pa'i lam 'phrang gar byon