[A:87]
du byin brlabs mngon sum du 'byon gyin 'dug // skad gcig re re la'ang sku drin bsam gyis ga la khyab/ ji ltar byas mi slu nges par 'dug go/ spyir yon tan thams cad bum nang gi mar me ltar sbed pa la gtso bor mdzad/ bslab pa gsum gyi yon tan thams cad bstan pa thob cing / mthar phyin nas kyang bdag lta bu ston ga la yod/ gang zag dam pa mkhas btsun bzang gsum 'dzom pa/ 'jig rten gyi yon gnas 'di tsam bzhugs pa la chos nyon la/ sgrub pa nan tan du gyis shes gsungs/ chos bka' shin tu dam par mdzad/ 'on kyang skal ba dang ldan pa'i gdul bya dam pa rnams kyi gdung ba chen pos/ yang nas yang du gsol ba btab pa'i ngooo ma zlogs shing / phan pa'i don chen po gzigs nas gdul bya'i don du chos kyi 'khor lo bskor ba ni/ nges par 'byung ba'i tshul khrims 'bogs pa'i las la/ slob dpon gyi go 'phang mdzad nas/ legs par gsung pa'i chos 'dul ba la rab tu byung ste/ dge tshul du gnas pa lnga brgya dang gcig // bsnyen par rdzogs nas dge slong gi dngos po la bkod pa brgya dang gcig // dge bsnyen bdun bcu rtsa drug // bsnyen gnas blangs pa bgrang gis mi lang / theg pa chen por/ kun rdzob smon 'jug gi byang chub sems bskyed pa'i cho ga chen mo lan gsum gnang ba la/ byang chub kyi sems nges par du 'khrungs pa'i byang chub de'am drug brgya dang gsum byung / thugs bskyed sngon ma'i res snam sbyar gsol zhing bzhegs te/ phyogs bcu'i bde bar gshegs pa rnams la mkhyen par gsol ba mdzad pa'i dus su/ tshogs pa thams cad ye shes chen po 'bar zhing / bde