[A:88]
bsal mi rtog pa'i ting nge 'dzin brgyal ba mang po byung / gdung ba'i shugs 'bar bas dpal gyi ri bo lung pa thams cad 'ur gyin gang / sangs rgyas dang byang chub thams cad nam mkha' sha mar mngon sum du 'byon gyin yod pa snyam byed pa'i byin brlabs chen po byung / da lta yang dran/ de lta bu'i byin rlabs 'byung gin gda'/ don dam byang chub sems bskyed pa nges pa'i don gyi khrid chen mo lan bdun byon pa la/ nyams dang rtogs pa nges par 'khrungs pa'i sgom chen brgya dang bcu gnyis byung / khrid bdun pa'i rees/ sgom ma me chen ma'i khrid yig gsar pa'i stengs nas gzabs pa gcig dang mdzad pas/ slob ma rnams la khyad par 'phags pa'i skye tshul byung ba la shin tu dgyes te ngo sprod kyi dus su/ nga phad bum ngan yang lung thag bzang ba yin/ nga dang chos 'di'i rgyab na bla ma brgyud pa'i tshogs dang / mkha' 'gro chos skyong 'di rnams kyis byin gyis slob cing yod pa yin gsung bas/ thams cad rig pa 'ur te/ 'ga' re ting nge 'dzin du rgyal/ 'ga' re nam mkhar 'phags shing 'khrabs/ ye shes kyi 'ur chen po langs pa'i 'phro la/ thams cad gsal ba dang stong gnyis su med ngang du lhod glod la zhog ces lan gsum tsam gsung / thams cad kyis dge sbyor gyi ngang du bzhag tsa na phal cher la sngar bas lhag pa'i dge sbyor re bgos thon 'dug // 'o kol rnams skye ba sngon ma sngon ma nas smon lam btab pa yin tshod 'dug // 'di tsam gyi gyi rten 'brel 'dzom pa'ang dka' mo yod pa yin gsung / gsang sngags rdo rje theg par rgyud smin byed kyi dbang dang / byin brlabs lan bcu drug gnang ba la/ rgyud la dpa' bo mkha' 'gro'i byin brlabs