[A:96]
rting na gong ma bshegs pa'i gtam de byung / de lta bu'ang mang po yod/ gzhan yang / drung pa gang bzhugs pa'i sa phyogs de snum zhing mdangs che ba lta bu/ mi bzhugs tsa na stong pa dang / skya chag tu 'gro pa lta bu'o/ mi rnams kyang gzhan du khyug se ba las med kyang / drung du sdad tsa na/ gzugs dang spyod pa thams cad khyad 'phags su 'gyur ba lta bu/ dngos po'i rigs kyang phyag tu byung tsa na lhag par spus dag tu 'gro ba lta bu yod/ dpal gyi ri bo 'di dang po gzar po zhig yod pa la/ phyis sa khrod yangs shing bde mor song ba ltar gnang gin gda'/ snang ba dbang 'dus shing byin gyis brlabs la lags mod/ mdor na rang gi blta shes na/ rmad du byung ba'i yon tan ji tsam yang mthong bar gda' ste/ blo mig dman pas rdugs/ dmus long gis mar la lag pas nyug pa ma gtogs mig gis blta ba ma byung gda'/ rje btsun rin po che 'di/ sngon dgra bo 'phags pa kun dga' bor gyur pa lta bu'i nges pa cung zad gcig bdag la byung ba dang / gzhung mngar rnal 'byor snang ba dag pa gcig la sngon gyi grub thob chen po tha ga la yinaX pa'i nges shes byung ba'ang 'dug // bla ma lho pa la rgyal po srong btsan sgam por snang nas dbang bskur ba'i rmi lam byung 'dug // rang mos gus dag pa'i snang ba la skyon gdags su ci yod/ ji srid sems can thams cad sangs rgyas kyi sa la ma bzhag bar du/ nyid kyis mdzad pa'ang ga la rdzogs/ phrin las kyang ga la nub/ gdul bya'ang ga la zad/ 'on kyang smon gyis smon lam gyi 'phen pa zhig dang / sprul pa'i