[A:97]
sku gcig dang / mdzad pa'i rgyun gcig gis bzhed pa'i don mtha' dag rdzogs/ gnas su ma 'khyol ba dang / thugs 'theng ba dang / gcams pa ma grub pa gang yang med cing / gdul bya skal ldan thams cad bde ba nas bde bar song / bdag cag rnams skyabs gnas rin po che 'di'i zhabs kyis pad mo cung zad bsten pa'i skal ba bsags pa rnams kyang nam gzhug chad pa'i rlan ltar zad pas/ mdo sde rgyan las/ ji ltar chu yi snod chag na/ zla ba'i gzugs brnyan mi snang ba/ de bzhin son ngan pa la/ sangs rgyas gzugs kyang mi snang ngo/ zhes pa ltar/ 'di nas zhing las khams gzhan du gshegs par bzhed pa'i gsung dang / na ning snga rabs nas byon/ de dgong sngon chad/ mi rtsis pa rnams kyis sku chags che/ yun rings mi bzhugs zer ba tsam byung na'ang / de 'dra la tig tig tsam med gsung ba dang / mo ma rnams kyis nga 'chi zer ba la mnga' ba'i gsung zhing zhal tsho mdzad pa yin te/ lo 'ga' zung gi gong nas/ da ni nyi ma la rtsar sleb pa yin zhes skabs su gsung / sgom chen bsod nams dar gong du 'gro tsa na/ nga dang 'phrad 'do na lo lnga la sleb pa shog gsung / spre'u lo la gong gi 'dung sleb nas/ bdag kyang 'jig rten gyi sdig dang sdul dor nas/ nyid kyis rnam par thar pa'i rjes su 'jug pa'i yid smon kyi phyir/ rab tu byung zhing chos sgrub pa rtse gcig tu byed par zhus pa la/ yang na nga rgad po ma shi'i bar/ yang lo gsum gyi bar du sna bsrings/ zhes bka' nan gyis bcings pa'ang / de 'dra don gcig pa'i gsung du 'dug // khyi lo la dpal gyi