[A:98]
bla ma shar pa bzhugs pa'i dus su/ mkhas grub chos rje'i dus mchod mdzad pa'i tshelang char chen po bab nas thigs pa byung ba la/ khyed rnam pa la dgos na thigs tshags mdzod/ nged kun yun rings e sdod mi shes gsung ba dang / dpal gyi ri bo'i gzims chung thog kha na bzhugs tsa na/ zhal gyi snying drug 'di dpal gyi ri bo/ che lugs kyi ri 'di yid pham par byed pa'i ri/ stag lung rdzogs pa'i spyi bo sems la gso ba'i ri/ dgon pa'i rgyab ri 'di zlum gyi ra ba yin/ 'di nas ri gsum po 'di la rdog pa rgyab nas grub pa'i dngul chu 'thungs te mkha' spyod ma/ nam mkha' 'di la sgor sgor 'phur nas 'gro bar gda' na gsung / phag lo'i dbyar zhod ches nas gzims khang gi bla'u g.ye dang / brang khang rnams la zhig ral du ma byung ba rnams la'ang / sngar yin na tshims tshags kyi zhal bskos thugs la 'dogs pa yin na'ang / na ning gi zhig ral rnams la thengs re mig la mdzes tsam re gyis la zhog // gling gseb kyi spyil po zhig po rnams da rang mi 'chos nas yong gsung ba dang / slob dpon lha pas spyil po zhig gsos mdzad/ dgongs gcig 'phyi 'phyi'i bar las 'phro ma bcad par khong rang khed reng du bzhugs 'dug pa gzigs nas/ slob dpon bgres po 'o rgyal/ gos phu thung ma gcig kyang mi 'dug // 'di skyol gsung nas/ na bza' stod thung gsol 'phro de skur/ dpal ri'i spyil po la da rang khong gis kyang bde e chod mi shes te/ nga dga' ru re nas byed par gda' ba/ de dga' tshad yin mod/ dga' ru re nas byed pa gzhan pa yod na'ang da lta byed ran yin no/