[A:༥༡བ]རྙིང་དུ་མཇལ། རྣལ་འབྱོར་པ་དང་གཉིས་ལ་ཇོ་བོས་ཐུན་མོང་གི་ཆོས་བཞིས་རྒྱུད་སྣོད་རུང་དུ་མཛད་ནས། ལྷ་འདི་དང་ལས་འབྲེལ་འདུག་གསུངས་ཏེ། དམ་ཚིག་གསུམ་བཀོད་ཀྱི་སྒྲུབ་ཐབས་གནང་ནས་བསྒྲུབས་པས། བཟླས་པ་སྟོང་ཕྲག་བརྒྱད་བརྒྱད་སོང་ནས་ཞལ་གཟིགས། ཇོ་བོ་ལོ་དགུ་བསྟེན། རྣལ་འབྱོར་པ་ཤེས་རབ་རྡོ་རྗེས་ཇོ་བོ་ལོ་ལྔ་བསྟེན་ཅིང་། ཕྱིས་རྔོག་ལེགས་ཤེས་དང་ལྷན་དུ་བཞུགས་ཏེ་གསང་ཕུར་སྐུ་གཤེགས་སོ། །ཕྱ་དར་སྟོན་པས་ཀྱང་ཇོ་བོ་ལོ་ལྔ་བསྟེན་ཏེ་སྙེ་ཐང་དུ་བོད་སྟོན་རྣམས་ཀྱིས་ཕར་ཕྱིན་གསུང་བ་ཞུས་པས། ཐོག་མར་པཎྜི་ཏའི་བཤད་ལུགས་དང་། དེ་ནས་ཇོ་བོ་ཉིད་ཀྱི་བཞེད་པ། སྟོན་པ་བཞིའི་སྒོ་ནས་ཁྲིད་ཚུལ་གསུངས་པས། ཕྱ་དར་སྟོན་པས་ཟིན་བྲིས་སུ་བཏབ་པས་ཤིན་ཏུ་ལེགས་པ་ཅིག་བྱུང་། ཕར་ཕྱིན་ཁམས་ལུགས་མར་གྲགས་ཏེ། ཁོང་ཕར་ཕྱིན་ལ་རྩལ་ཐོན་པར་གསུངས། གཉིས་པ་ཆོས་བརྒྱུད་འཛིན་པའི་སློབ་མ་མཆོག་བྱོན་ཚུལ་ལ་གསུམ། བཤེས་གཉེན་སྟོན་པ་བྱོན་ཚུལ། དགེ་བཤེས་གསང་ཕུ་བ་བྱོན་ཚུལ། ནག་ཚོའི་རྗེས་སློབ་བྱོན་ཚུལ་ལོ། །དང་པོ་ནི། དེ་རྣམས་ཀྱི་ནང་ནས་ཇོ་བོ་ཆེན་པོའི་ཆོས་ཀྱི་བརྒྱུད་འཛིན་པའི་མཆོག་འབྲོམ་སྟོན་པ་རྒྱལ་བའི་འབྱུང་གནས་ཡིན་ཏེ། འཁྲུངས་ཡུལ་བྱང་རྩ་དགྱེ་མོ་ཕྱོགས་སུ་མཛད། གདུང་རུས་འབྲོམ་གྱི་ནང་ཚན་བྲག་གསུམ། ཡབ་
ཡབ་བཤེར་སྐུ་བཞེར།
ལྟག་སྐུ་བཞེར། ཡུམ་ཁུ་རྡོ་འོད་བཟའ་གཉིས་ཀྱིས་སྲས་སུ་ཤིང་ཕོ་འབྲུག་ལ་འཁྲུངས། གཞུར་ཞང་པོའི་སར་གཡུང་ཆོས་མགོན་ལ་ཀློག་བསླབས། སློབ་གཉེར་མཛད་ཀྱིན་ཡོད་པའི་དུས། རྒྱལ་