[A:51b]rnying du mjal/ rnal 'byor pa dang gnyis la jo bos thun mong gi chos bzhis rgyud snod rung du mdzad nas/ lha 'di dang las 'brel 'dug gsungs te/ dam tshig gsum bkod kyi sgrub thabs gnang nas bsgrubs pas/ bzlas pa stong phrag brgyad brgyad song nas zhal gzigs/ jo bo lo dgu bsten/ rnal 'byor pa shes rab rdo rjes jo bo lo lnga bsten cing / phyis rngog legs shes dang lhan du bzhugs te gsang phur sku gshegs so/ /phya dar ston pas kyang jo bo lo lnga bsten te snye thang du bod ston rnams kyis phar phyin gsung ba zhus pas/ thog mar paNDi ta'i bshad lugs dang / de nas jo bo nyid kyi bzhed pa/ ston pa bzhi'i sgo nas khrid tshul gsungs pas/ phya dar ston pas zin bris su btab pas shin tu legs pa cig byung / phar phyin khams lugs mar grags te/ khong phar phyin la rtsal thon par gsungs/ gnyis pa chos brgyud 'dzin pa'i slob ma mchog byon tshul la gsum/ bshes gnyen ston pa byon tshul/ dge bshes gsang phu ba byon tshul/ nag tsho'i rjes slob byon tshul lo/ /dang po ni/ de rnams kyi nang nas jo bo chen po'i chos kyi brgyud 'dzin pa'i mchog 'brom ston pa rgyal ba'i 'byung gnas yin te/ 'khrungs yul byang rtsa dgye mo phyogs su mdzad/ gdung rus 'brom gyi nang tshan brag gsum/ yab
yab bsher sku bzher/
ltag sku bzher/ yum khu rdo 'od bza' gnyis kyis sras su shing pho 'brug la 'khrungs/ gzhur zhang po'i sar g.yung chos mgon la klog bslabs/ slob gnyer mdzad kyin yod pa'i dus/ rgyal