[A:༥༩བ]མ་བྱས་པའི་སྒོམ་མཆན་ཁུང་བས་ཕུ་ཐག་ཐུང་གསུངས། བྱིས་པའི་དུས་ནས་བྱང་ཆུབ་ཀྱི་སེམས་སྐྱེས་ཐོབ་ཏུ་མངའ་བར་ཤ་ར་བའི་བསྟོད་པ་ནས་གསུངས། དེ་ནས་ཡེར་པར་རྔོག་བྱང་ཆུབ་འབྱུང་གནས་དང་། རླན་ཚུལ་ཁྲིམས་བྱང་ཆུབ་ལ་མཁན་སློབ་ཞུས་ནས་རབ་ཏུ་བྱུང་། མཚན་རིན་ཆེན་གསལ་དུ་བཏགས། ཇོ་བོ་ཆེན་པོ་ལ་ཡང་དེའི་དུས་ཡེར་པ་མཇལ། དགེ་བཤེས་སྟོན་པ་བྱང་དུ་འབུལ་བའི་གསེར་སྒྲུབ་པ་ལ་བཞུད་འདུག་པས། ནག་ཚོས་ལོ་ཙཱ་མཛད། སྒོམ་རིམ་ཚར་གཅིག་གསན། དེ་ནས་ཁུ་སྟོན་གྱི་དྲུང་དུ་བྱོན་མཚན་ཉིད་ཀྱི་ཆོས་མང་དུ་གསན། ཡེར་པའི་ཞང་བཙུན་ལ་གནས་ཀྱི་སློབ་དཔོན་ཞུས། དེ་ནས་ར་སྒྲེང་དུ་བཤེས་གཉེན་སྟོན་པའི་དྲུང་དུ་དབྱར་དེ་གདམས་ངག་གཅིག་ཞུས་ནས་ཁམས་སུ་འབྱོན་དགོངས་པ་ལ། སྐུ་མཆེད་གསུམ་ལྷན་གཅིག་ཏུ་ཐོག་མར་ལམ་རིམ་དང་། སྤྱོད་འཇུག་གསན་ནས། བདག་ནི་གྲོལ་བ་དོན་གཉེར་ལ། །སྙེད་དང་བཀུར་སྟིས་འཆིང་མི་ནུས། །ཞེས་པའི་སྐབས་ཀྱི་མན་ངག་གསུངས་པའི་ཐད་དུ་ཐུགས་སྣ་འགྱུར་ཏེ། ཚེ་འདིའི་རྣམ་རྟོག་སྐྱུར་ནས་བཤེས་གཉེན་བསྟེན་པ་ཡིན་གསུངས། སྟོན་པ་ལོ་བདུན་བསྟེན་ནས་ཡོན་ཏན་ཐམས་ཅད་རྫོགས་པར་ཐོབ། ཐུགས་རབ་ཆེ་བས་ཤིན་ཏུ་མཉེས། སྟོན་པ་གཤེགས་ཁར། སྐུ་མཆེད་གསུམ་གྱི་ཐུགས་ལ་འཇིགས་སར་སྐྱེལ་མས་བོར་བ་འདྲ་བ་ཅིག་ཡོང་པར་འདུག་ན། ད་སུ་ལ་བརྟེན་སྙམ་སྟེ་སྤྱན་ཆབ་བྱུང་བས། མངོན་ཤེས་ཀྱིས་མཁྱེན་ནས། ངས་ཁྱེད་གསུམ་བརྟེན་པ་སུ་ཡང་མ་མཐོང་བས། ད་ཕྱིན་གསུམ་ཡན། ལྔ་མན་དཔུང་སྟེང་ཆོས་ལ་དགེ་བའི་བཤེས་གཉེན་མདོ་སྡེ་ལ་