[A:59b]ma byas pa'i sgom mchan khung bas phu thag thung gsungs/ byis pa'i dus nas byang chub kyi sems skyes thob tu mnga' bar sha ra ba'i bstod pa nas gsungs/ de nas yer par rngog byang chub 'byung gnas dang / rlan tshul khrims byang chub la mkhan slob zhus nas rab tu byung / mtshan rin chen gsal du btags/ jo bo chen po la yang de'i dus yer pa mjal/ dge bshes ston pa byang du 'bul ba'i gser sgrub pa la bzhud 'dug pas/ nag tshos lo tsA mdzad/ sgom rim tshar gcig gsan/ de nas khu ston gyi drung du byon mtshan nyid kyi chos mang du gsan/ yer pa'i zhang btsun la gnas kyi slob dpon zhus/ de nas ra sgreng du bshes gnyen ston pa'i drung du dbyar de gdams ngag gcig zhus nas khams su 'byon dgongs pa la/ sku mched gsum lhan gcig tu thog mar lam rim dang / spyod 'jug gsan nas/ bdag ni grol ba don gnyer la/ /snyed dang bkur stis 'ching mi nus/ /zhes pa'i skabs kyi man ngag gsungs pa'i thad du thugs sna 'gyur te/ tshe 'di'i rnam rtog skyur nas bshes gnyen bsten pa yin gsungs/ ston pa lo bdun bsten nas yon tan thams cad rdzogs par thob/ thugs rab che bas shin tu mnyes/ ston pa gshegs khar/ sku mched gsum gyi thugs la 'jigs sar skyel mas bor ba 'dra ba cig yong par 'dug na/ da su la brten snyam ste spyan chab byung bas/ mngon shes kyis mkhyen nas/ ngas khyed gsum brten pa su yang ma mthong bas/ da phyin gsum yan/ lnga man dpung steng chos la dge ba'i bshes gnyen mdo sde la