[A:༦༧ན]གཟིགས་པས། ཆོས་འཚོལ་བ་ལ་མོས་ཏེ་བྱོན། གཡེ་ཆུང་གི་སྒྲེ་དགོན་པ་ན་སྤྱན་སྔའི་སློབ་མ་སྒྲེ་པ་ཆེན་པོ་བཞུགས་པ་དང་མཇལ། བསྙེན་རྫོགས་ཀྱི་མཁན་པོ་ཞུས་པས་མ་གནང་། ཁྱད་པར་གླང་རི་ཐང་པའི་སློབ་མ་ལྕགས་ཞིང་པ་ལ་བློ་སྦྱོང་ཚིག་བརྒྱད་མ་གསན་པས་དད་ནས། པོ་ཏོ་བའི་སློབ་མ་དོལ་པ་དང་། སྒྲེ་བ་ཇོ་གདན་ཚ་རོང་པ་དང་། དགས་པོ་གཙང་འདུལ་མཇལ་དུ་བྱོན་པ་ལ། མཁས་སློབ་ཞུས་ནས་བསྙེན་རྫོགས་མཛད་དེ། ཤ་མི་ལ་འདུལ་བ་གསན། དེ་ནས་ཡར་ལུང་དུ་བྱོན་ཏེ་བཤེས་གཉེན་མང་པོ་བསྟེན། ཁྱད་པར་གླང་རི་ཐང་པའི་སློབ་མ་ལྕགས་ཞིང་པ་ལ་བློ་སྦྱོང་ཚིག་བརྒྱད་མ་གསན་པས་དད་ནས། པོ་ཏོ་བའི་སློབ་མ་དོལ་པ་དང་། ལུང་སྣང་པ་གཉིས་ལོ་བཞི་བསྟེན། དོལ་པ་ལ་བེའུ་བུམ་སྔོན་པོ་ཡང་གསན། དེ་ནས་དགུང་ལོ་སུམ་ཅུ་ལ་གླང་རི་ཐང་པ་ལ་གཏད་ནས་བྱོན་ཀྱང་མ་མཇལ་བར། ཤ་ར་བ་ཞོའི་ཁང་པར་གནས་ན་བཞུགས་པ་དང་མཇལ། དང་པོར་ཚོགས་ཆོས་གསན། དེ་ནས་བློ་སྦྱོང་རྩད་ཆོད་དེ་ཉམས་ཁྲིད་དུ་ལོ་དགུ་བསྐྱངས་པས། བདག་གཅེས་འཛིན་གྱི་འཕྲི་བ་ཆོད་པ་ཅིག་བྱུང་གསུངས། སྟོན་ཆོས་ལ་བྱ་ཡུལ་དུ་བྱོན། སྤྲུལ་སྐུ་བྱ་ཡུལ་བ་ལ་གདམས་ངག་གི་སྐོར་རྣམས་རྫོགས་པར་གསན། འཕན་ཡུལ་དུ་བྱོན་ནས་ཀྱང་ཤ་ར་བ་ཡུན་རིང་དུ་བསྟེན། དེ་ནས་གནས་ངེས་མེད་དུ་ཐུགས་དམ་གྱི་གཙོ་བོ་བློ་སྦྱོང་ལ་མཛད་ཅིང་བཀའ་དོག་པ་ལ། ཕྱིས་འགྲེས་བུ་སྒོམ་ཆེན་སྡིངས་སུ་ཉེར་གནས་ལ་ཁྱོད་ཀྱི་སློབ་མ་འདི་རྣམས་ལ་མར་ཁུའི་སྐྱོགས་འདྲེན་གྱིས་མིང་སྟོན་བྱེད་གསུངས་ནས། དོན་བདུན་གྱི་ས་བཅད་མཛད་དེ་ཚོགས་ཆོས་སུ་གསུངས། དེ་ནས་མལ་གྲོར་བྱོན། འཆད་ཁ་རྙིང་མ་བཏབ། ལོ་