[A:67a]gzigs pas/ chos 'tshol ba la mos te byon/ g.ye chung gi sgre dgon pa na spyan snga'i slob ma sgre pa chen po bzhugs pa dang mjal/ bsnyen rdzogs kyi mkhan po zhus pas ma gnang / khyad par glang ri thang pa'i slob ma lcags zhing pa la blo sbyong tshig brgyad ma gsan pas dad nas/ po to ba'i slob ma dol pa dang / sgre ba jo gdan tsha rong pa dang / dgas po gtsang 'dul mjal du byon pa la/ mkhas slob zhus nas bsnyen rdzogs mdzad de/ sha mi la 'dul ba gsan/ de nas yar lung du byon te bshes gnyen mang po bsten/ khyad par glang ri thang pa'i slob ma lcags zhing pa la blo sbyong tshig brgyad ma gsan pas dad nas/ po to ba'i slob ma dol pa dang / lung snang pa gnyis lo bzhi bsten/ dol pa la be'u bum sngon po yang gsan/ de nas dgung lo sum cu la glang ri thang pa la gtad nas byon kyang ma mjal bar/ sha ra ba zho'i khang par gnas na bzhugs pa dang mjal/ dang por tshogs chos gsan/ de nas blo sbyong rtsad chod de nyams khrid du lo dgu bskyangs pas/ bdag gces 'dzin gyi 'phri ba chod pa cig byung gsungs/ ston chos la bya yul du byon/ sprul sku bya yul ba la gdams ngag gi skor rnams rdzogs par gsan/ 'phan yul du byon nas kyang sha ra ba yun ring du bsten/ de nas gnas nges med du thugs dam gyi gtso bo blo sbyong la mdzad cing bka' dog pa la/ phyis 'gres bu sgom chen sdings su nyer gnas la khyod kyi slob ma 'di rnams la mar khu'i skyogs 'dren gyis ming ston byed gsungs nas/ don bdun gyi sa bcad mdzad de tshogs chos su gsungs/ de nas mal gror byon/ 'chad kha rnying ma btab/ lo