[A:༧༠ན]འཕེལ་བའི་ཞང་སྟོན་དར། གྲབ་ཕུ་བ་ཆེན་པོ། དེའི་སློབ་མ་བཙན་དགོན་པ་བ་སོགས་བྱོན་ཏེ་རྒྱས་པར་མ་སྤྲོས་སོ། །གཉིས་པ་རྗེ་སྤྱན་སྔ་ནས་བརྒྱུད་པ་བཀའ་གདམས་གདམ་ངག་པ་རྣམས་བྱོན་ཚུལ་ནི། རྣལ་འབྱོར་གྱི་དབང་ཕྱུག་སྤྱན་སྔ་ལ་སློབ་མའི་མཆོག་སྒོམ་བཞི། འགྲན་གྱི་དོ་མེད་གསུམ་དང་། གཞན་ཡང་མཁར་ཕུ་བ། རོལ་པོ་རྡོ་རྗེ། གཡོ་ནས་སྒྲེ་པ་ཆེན་པོ། ཞང་སྟོན་དཔལ་བརྩེགས། རྒྱ་རྩེ་སྒྲོ་བ། འཕན་ཡུལ་གྱི་སྒྲོ་ལག་པ་ཆེན་པོ། ཞང་ཀ་མ་བ་ཆེན་པོ་ཤེས་རབ་འོད། ཀུ་མ་ར་ཤཱཀྱ། སྐུ་སྲུང་སྟོན་པ། འདུལ་འཛིན་ལ་གུར་སྟོན་པ། འཆང་བུ་བ་ཆེན་པོ། དགག་དབྱེ་ཤེས་རིན་སོགས་མིང་ཆེན་ཉི་ཤུ་རྩ་ལྔ་ཙམ་བྱོན་པའི་དགག་དབྱེ་ཤེས་རིན་གྱི་ཉན་ཆེར་སྒྱེས་ཀྱིས་མཆོད་ཁང་བཞེངས། སྤྱིར་གྲྭ་པ་བདུན་བརྒྱ་ཙམ་འཚོགས་པའི་སྒོམ་བཞི་ནི། ཟར་པ་ཟག་སྒོམ་རྡོ་རྗེ་ཡེ་ཤེས་ཀྱིས་མལ་གྲོ་ཟར་གྱི་མཆོད་ཁང་བཞེངས། རུག་པ་སྟོན་སྒོམ་གྱིས་ཀླུང་ཤོད་རུག་པའི་མཆོད་ཁང་བཞེངས། མང་ར་སྒོམ་པ་བརྩོན་འགྲུས་འབར་གྱིས་ཐང་སྐྱའི་དགོན་པ་བཏབ། དབུ་རྩེ་གསར་མ་བཞེངས། རལ་པ་སེང་སྒོམ་གྱིས་རླུང་ཤོད་ངོར་གྱི་མཆོད་ཁང་བཞེངས། འགྲན་གྱི་དོ་མེད་གསུམ་ནི། སྟོན་ལུང་པ་ཆེན་པོ། བྱ་ཡུལ་བ་ཆེན་པོ། སྙུག་གྲུམ་པ་ཆེན་པོའོ། སྙུག་གྲུམ་པས་ཀླུང་ཤོད་མདར་སྙུག་གྲུམ་དགོན་པ་བཏབ། སྟོད་ལུང་པ་ཆེན་པོ་ནི། འཁྲུངས་ཡུལ་སྟོད་ལུང་གསེར་ཕུག དགུང་སྙིང་སྤྲེའུ་ལོ་པ། རབ་ཏུ་བྱུང་པ་ཁྱུང་པོ་ཇོ་བསོད་ལ་མཛད། མཚན་རིན