[A:༧༡བ]ལ་མངའ་བརྙེས་པ་མང་དུ་བྱོན་ནོ། །དེ་ནས་སྟོད་ལུང་པ། དགེ་བཤེས་ལྷ་བཟོ་ལ་གདན་པས་གཏོད་དགོངས་པ་ལ། ལྷ་བཟོས་མངོན་ཤེས་ཀྱི་རིག་ནས། གྲམ་རྟ་ཆད་སྐད་པར་བཞུགས་པས། གླེན་པ་ལྷ་བཟོ་དེ་བྱུང་ན་བསླབ་བྱ་འདྲ་བྱ་རྒྱུ་ཡོད་པ་ཡིན་ཏེ་མ་བྱུང་། ད་དགེ་བཤེས་ཀློག་སྐྱ་དང་། ཟར་པ་གཉིས་ཀྱི་འདི་དང་མལ་གྲོ་ཟར་གཉིས་སྤྱི་ལ་སྐྱོང་གསུངས། དེར་ཡོད་པ་རྣམས་ཀྱི་རྗེས་སུ་རྟེན་བཞེངས་སོགས་ཇི་ལྟར་བྱེད་ཞུས་པས། སྤུར་འདི་གཡའ་ཕུ་རུའི་རྩེ་ལ་སྐྱོལ། རྟེན་མ་བཞེངས་གསུངས། འོ་ན་སྤྲུལ་སྐུ་བྱ་ཡུལ་བ་རྟེན་བཞེངས་པ་འདུག་ན་ཇི་ལྟར་བྱེད་ཞུས་པས། ང་ཁོང་ལ་དྲིན་ཆེ་བ་ཡིན། ལོ་བདུན་འགྲོ་བ་ནས་བསྐྱངས། བླ་མ་སྤྱན་སྔ་རྣལ་འབྱོར་ལྟ་བུ་ལ་སྤྲད། ཁོང་རང་ཇི་ལྟར་དགོངས་པ་མཛད་དུ་ཆུག་གསུངས། དེ་ནས་སྐུ་གཤེགས་ཁར། ངས་དོན་ཁྱད་པར་ཅན་གྲུབ་པ་ཡིན། ཞེས་ལན་གསུམ་གསུངས། དྲུང་ན་ཡོད་པས། ཡི་དམ་གྱི་ལྷ་ཞལ་གཟིགས་པ་ཡིན་ནམ་ཞུས་པས། ཡི་དམ་ཀྱི་ལྷ་ཟེར་ནས་མིག་ཧུ་རེ། རྣ་བ་ཅོ་རེ་བ་ཡོད་པ་ཡིན། ཆོས་ཐམས་ཅད་དོན་དམ་པར་སྐྱེ་བ་མེད་ཅིང་། ཀུན་རྫོབ་ཏུ་རྨི་ལམ་སྒྱུ་མ་ལྟ་བུར་རྟོགས་གསུངས་ཏེ། བརྒྱད་ཅུ་རྩ་ལྔ་པ་སྤྲེའུ་ལོ་མངོན་པར་བྱང་ཆུབ་པའི་ཟླ་བའི་ཚེས་བརྒྱད་ལ་ལམ་པ་དགོན་པར་གཤེགས། སང་ལྷ་བཟོ་དཔོན་སློབ་ཀྱིས་ཀྱང་ཕེབས། ཉ་ག་མོ་པས་མདངས་མ་གིར་བཞུགས་པས་མ་བྱུང་ཞུས་པས། ཚེ་དང་ལྡན་པ། མི་ཐེག་པའི་ཁུར་ཆེན་པོ་ཅིག་བཀུར་བར་འདུག་པས་བསྡད་པ་ཡིན། བླ་མ་དང་འདང་མཇལ། བཟོད་གསོལ་ཀྱང་ཚར་གསུངས།