[A:71b]la mnga' brnyes pa mang du byon no/ /de nas stod lung pa/ dge bshes lha bzo la gdan pas gtod dgongs pa la/ lha bzos mngon shes kyi rig nas/ gram rta chad skad par bzhugs pas/ glen pa lha bzo de byung na bslab bya 'dra bya rgyu yod pa yin te ma byung / da dge bshes klog skya dang / zar pa gnyis kyi 'di dang mal gro zar gnyis spyi la skyong gsungs/ der yod pa rnams kyi rjes su rten bzhengs sogs ji ltar byed zhus pas/ spur 'di g.ya' phu ru'i rtse la skyol/ rten ma bzhengs gsungs/ 'o na sprul sku bya yul ba rten bzhengs pa 'dug na ji ltar byed zhus pas/ nga khong la drin che ba yin/ lo bdun 'gro ba nas bskyangs/ bla ma spyan snga rnal 'byor lta bu la sprad/ khong rang ji ltar dgongs pa mdzad du chug gsungs/ de nas sku gshegs khar/ ngas don khyad par can grub pa yin/ zhes lan gsum gsungs/ drung na yod pas/ yi dam gyi lha zhal gzigs pa yin nam zhus pas/ yi dam kyi lha zer nas mig hu re/ rna ba co re ba yod pa yin/ chos thams cad don dam par skye ba med cing / kun rdzob tu rmi lam sgyu ma lta bur rtogs gsungs te/ brgyad cu rtsa lnga pa spre'u lo mngon par byang chub pa'i zla ba'i tshes brgyad la lam pa dgon par gshegs/ sang lha bzo dpon slob kyis kyang phebs/ nya ga mo pas mdangs ma gir bzhugs pas ma byung zhus pas/ tshe dang ldan pa/ mi theg pa'i khur chen po cig bkur bar 'dug pas bsdad pa yin/ bla ma dang 'dang mjal/ bzod gsol kyang tshar gsungs/