[A:༧༧བ] ཟེམ་ཀྱི་ཞལ་ནས། ཁྱོད་ངའི་ཡོན་ཏན་འདི་རྣམས་རྩད་ཆོད། བསྙེན་རྫོགས་གྱིས་གསུངས་པས། ཟེམ་ལམ་དགོན་དུ་ཕེབས་པ་ལ་སྐྱོར་མོ་ལུང་གི་མཁན་པོ་ཞིག་པོ་བྱ་བ་མཇལ་དུ་བྱུང་དུས་བསྙེན་རྫོགས་དང་། འདུལ་བ་ཡང་གསན། དེ་ནས་ཟེམ་ལ་ལྐོག་ཆོས་རྣམས་ཞུས། མ་འོངས་པ་ན་འདི་ལྟར་གྱིས་ཀ་ལུང་བསྟན་མང་པོ་མཛད། ཟེམ་གཤེགས་ནས། རི་ཡེར་པ་གདན་སར་སྤྱན་དྲངས་ཀྱང་། ཁྱེད་རང་གི་ཕ་གི་ན་འོས་པ་ཅིག་ཆོས་སྐྱོང་གི་བདག་ཏུ་བཟུང་འདུག་གསུངས་ནས་ལུང་བསྟན་མཛད་དེ་མ་བྱོན། ཁོང་ཡུ་ངའི་ཁམས་ལུང་དུ་བྲོས་ཏེ་དེ་ནས་སྤྱན་དྲངས་པས། མཚན་ཡང་དེ་ལྟར་གྲགས། ཉི་ཤུ་རྩ་ལྔ་ལ་གདན་སར་བསྐོས་ཉི་ཤུ་རྩ་བདུན་མཛད། ལོའི་མཆེད་ཁང་གི་ཁྱམས་སྨད། གླིང་བསྐྱེད་པ། གསེར་ཐོག་སོགས་བཞེངས་པས་བཀའ་དྲིན་ཆེ་ཞིང་། ལྔ་བཅུ་ང་གཉིས་པ་རྟ་ལོ་ཟླ་བ་གཉིས་པའི་ཉེར་ལྔ་ལ་ཀ་ཕུག་ཏུ་གཤེགས། ཡར་ལུང་ཇོ་བོའི་ཆོས་འབྱུང་དུ་འདིའི་དུས་སུ་བཀའ་གདམས་ཀྱི་བཤེས་གཉེན་གྲགས་ཆེ་བ་ཐུས་ཆེན་བརྒྱད་དུ་གྲགས་པ་བྱུང་ཞེས་བཤད་དོ། སངས་རྒྱས་ཇོ་བོ་ནི་འཁྲུངས་ཡུལ་རྒྱ་སར་སྒང་། ཡབ་ལྷའི་བརྒྱུད་པ་ཇོ་བོ་བསོད་ནམས་མགོན་གྱི་སྲས་སུ་སྦྲུལ་ལོ་ལ་འཁྲུངས། གཞོན་ནུ་ནས་སངས་རྒྱས་སྒོམ་པ་ཤར་ཕྱོགས་དང་བའི་འོད་ཀྱི་འཇིག་རྟེན་ན་བཞུགས་ཟེར་བའི་དབྱངས་འཐེན་པ་གསན་པས་མཚན་ཐོས་པ་ཙམ་གྱིས་དད་གུས་སྐྱེས། བཅུ་གཉིས་ལ་ཟེམ་གླང་ལུང་དུ་བཞུགས་པ་ལ་རབ་བྱུང་ཞུས། མཚན་དབང་ཕྱུག་གཞོན་ནུར་བཏགས། ཉི་ཤུ་རྩ་གཉིས་ལ་ཟེམ་ལ་མཁན་པོ་ཞུས་ཏེ་བསྙེན་པར་