[A:༧༨ན]རྫོགས་བཀའ་གདམས་ཀྱི་ཆོས་ལ་སོགས་པ་གསན་སྦྱོང་མཛད། ལྔ་བཅུ་རྩ་གཉིས་ལ་ལམ་དགོན་གྱི་གདན་སར་བྱོན་ལོ་དགུ་མཛད། དྲུག་བཅུ་ལ་ལོ་བྱ་ཡུལ་གྱི་གདན་སར་བྱོན་པའི་དུས་མངོན་ཤེས་མང་དུ་གསུངས་བྱ་ཡུལ་གཙུག་ལག་ཁང་དང་། གླིང་གི་ཞིག་གསོས་སོགས་མཛད་དེ་བཀའ་དྲིན་ལྷག་པར་ཆེ་ཞིང་། བླ་མ་ཡི་དམ་ཆོས་སྐྱོང་མང་པོ་ཞལ་གཟིགས། གདན་ས་ལོ་བཅོ་བརྒྱད་མཛད། བདུན་ཅུ་དོན་བདུན་བྱ་ལོ་དབྱུག་གུ་ཟླ་བའི་ཚེས་བཅུ་བར་དུ་བཞུགས། སངས་རྒྱས་སྟོན་པ་ནི། འཁྲུངས་ཡུལ་ལྷོ་བྲག་གྲུ་ཤུམ་སྒོ། ཡབ་སུམ་པ་བཀྲ་ཤིས་ཀྱི་སྲས་སུ་བྱི་བ་ལོ་ལ་འཁྲུངས། བཅུ་བཞི་ལ་ཁམས་ལུང་པའི་དྲུང་དུ་རབ་བྱུང་ཞུས། མཚན་ཚུལ་ཁྲིམས་སེང་གེར་བཏགས། ཉི་ཤུ་ལ་མཁན་པོ་དགེ་གཡོ་བ་ལ་བསྙེན་པར་རྫོགས། འདུལ་བ་མཁས་པར་མཁྱེན། དེ་ནས་ལོ་བྱ་ཡུལ་གྱི་ཆོས་སྐྱོང་རྣམས་ཀྱི་བསུ་བ་བྱས་པའི་སྣང་བ་བྱུང་བ་དང་དུས་མཚུངས་པར། སངས་རྒྱས་ཇོ་བོས་ཤོག་གསུངས་ཏེ་བྱ་ཡུལ་སྟེང་ཁང་དུ་བསྐོས། ཇོ་བོ་ཆེན་པོ་ཞལ་གཟིགས། དེ་ནས་གདན་སར་བྱོན་ཏེ་ལོ་བཅུ་དྲུག་མཛད། ལོ་བྱ་ཡུལ་དུ་ཆོས་ཁྲིམས་ཤིན་ཏུ་དམ་པ་དང་། བཀའ་གདམས་ཀྱི་སྲོལ་བཟང་པོ་བཙུགས། གླང་ལོ་བར་དྲུག་ཅུ་རྩ་གཉིས་བཞུགས། སངས་རྒྱས་སྒོམ་པ་གསར་མ་འཁྲུངས་ཡུལ་ལོ་རོ་ཐུ་ཤུལ། ཡབ་སུམ་པ་བརྒྱད་སྟོང་དཔལ་གྱི་སྲས་སུ་འབྲུག་ལོ་ལ་འཁྲུངས། གཞོན་ནུའི་དུས་མཚོ་སྣ་པ་ལ་དགེ་ཚུལ་ཞུས། མཚན་ཚུལ་ཁྲིམས་ཤེས་རབ་ཏུ་བཏགས། དེ་ནས་བྱ་ཡུལ་དུ་བྱོན་ནས་སངས་རྒྱས་ཇོ་བོ་དང་སྟོན་པ་ལ་