[A:77b] zem kyi zhal nas/ khyod nga'i yon tan 'di rnams rtsad chod/ bsnyen rdzogs gyis gsungs pas/ zem lam dgon du phebs pa la skyor mo lung gi mkhan po zhig po bya ba mjal du byung dus bsnyen rdzogs dang / 'dul ba yang gsan/ de nas zem la lkog chos rnams zhus/ ma 'ongs pa na 'di ltar gyis ka lung bstan mang po mdzad/ zem gshegs nas/ ri yer pa gdan sar spyan drangs kyang / khyed rang gi pha gi na 'os pa cig chos skyong gi bdag tu bzung 'dug gsungs nas lung bstan mdzad de ma byon/ khong yu nga'i khams lung du bros te de nas spyan drangs pas/ mtshan yang de ltar grags/ nyi shu rtsa lnga la gdan sar bskos nyi shu rtsa bdun mdzad/ lo'i mched khang gi khyams smad/ gling bskyed pa/ gser thog sogs bzhengs pas bka' drin che zhing / lnga bcu nga gnyis pa rta lo zla ba gnyis pa'i nyer lnga la ka phug tu gshegs/ yar lung jo bo'i chos 'byung du 'di'i dus su bka' gdams kyi bshes gnyen grags che ba thus chen brgyad du grags pa byung zhes bshad do/ sangs rgyas jo bo ni 'khrungs yul rgya sar sgang / yab lha'i brgyud pa jo bo bsod nams mgon gyi sras su sbrul lo la 'khrungs/ gzhon nu nas sangs rgyas sgom pa shar phyogs dang ba'i 'od kyi 'jig rten na bzhugs zer ba'i dbyangs 'then pa gsan pas mtshan thos pa tsam gyis dad gus skyes/ bcu gnyis la zem glang lung du bzhugs pa la rab byung zhus/ mtshan dbang phyug gzhon nur btags/ nyi shu rtsa gnyis la zem la mkhan po zhus te bsnyen par