[A:78a]rdzogs bka' gdams kyi chos la sogs pa gsan sbyong mdzad/ lnga bcu rtsa gnyis la lam dgon gyi gdan sar byon lo dgu mdzad/ drug bcu la lo bya yul gyi gdan sar byon pa'i dus mngon shes mang du gsungs bya yul gtsug lag khang dang / gling gi zhig gsos sogs mdzad de bka' drin lhag par che zhing / bla ma yi dam chos skyong mang po zhal gzigs/ gdan sa lo bco brgyad mdzad/ bdun cu don bdun bya lo dbyug gu zla ba'i tshes bcu bar du bzhugs/ sangs rgyas ston pa ni/ 'khrungs yul lho brag gru shum sgo/ yab sum pa bkra shis kyi sras su byi ba lo la 'khrungs/ bcu bzhi la khams lung pa'i drung du rab byung zhus/ mtshan tshul khrims seng ger btags/ nyi shu la mkhan po dge g.yo ba la bsnyen par rdzogs/ 'dul ba mkhas par mkhyen/ de nas lo bya yul gyi chos skyong rnams kyi bsu ba byas pa'i snang ba byung ba dang dus mtshungs par/ sangs rgyas jo bos shog gsungs te bya yul steng khang du bskos/ jo bo chen po zhal gzigs/ de nas gdan sar byon te lo bcu drug mdzad/ lo bya yul du chos khrims shin tu dam pa dang / bka' gdams kyi srol bzang po btsugs/ glang lo bar drug cu rtsa gnyis bzhugs/ sangs rgyas sgom pa gsar ma 'khrungs yul lo ro thu shul/ yab sum pa brgyad stong dpal gyi sras su 'brug lo la 'khrungs/ gzhon nu'i dus mtsho sna pa la dge tshul zhus/ mtshan tshul khrims shes rab tu btags/ de nas bya yul du byon nas sangs rgyas jo bo dang ston pa la