[A:༧༨བ]བསྙེན་རྫོགས་ཞུས། བཀའ་གདམས་ཀྱི་ཆོས་རྫོགས་པར་གསན། ཁྱད་པར་དུ་སངས་རྒྱས་སྟོན་པ་ལ་སྔགས་ཀྱི་རྫོགས་རིམ་གསན་པས། འོད་གསལ་ཀྱི་རྟོགས་པ་འཁྲུངས། དེ་ནས་ལམ་དགོན་གྱི་གདན་ས་ལོ་གསུམ་མཛད་དུས་ཐུགས་སྐྱོ་བ་ཅུང་ཟད་སྐྱེས་ཏེ་ཤམ་པོ་གངས་ལ་བཞུགས་པ། ལོ་བྱ་ཡུལ་གྱི་གདན་སར་སྤྱན་དྲངས་ནས་ལོ་བཅུ་གསུམ་མཛད། ང་དགུ་པ་སྟག་ལོ་བྱ་ཡུལ་དུ་གཤེགས། སངས་རྒྱས་དབོན་པོ་གཞོན་ནུ་སྨོན་ལམ་དགས་པོར་སྤྲེའུ་ལོ་ལ་འཁྲུངས། དྭགས་པོ་སྤྱི་ཐེར་གྱི་དབོན་པོར་གྲགས། རྒྱལ་སྟེང་གི་གདན་ས་ལོ་མང་རབ་དང་། དེ་ནས་གདན་ས་གོང་ལོ་གསུམ་མཛད། བདུན་ཅུ་རྩ་གཉིས་པ་ལུག་ལོ་ཟླ་བ་གཉིས་པའི་ཚེས་བརྒྱད་ལ་ལོར་གཤེགས། རིན་པོ་ཆེ་བཅུ་བཞི་པ་རླུང་ཤོ་ཤོ་ནག་ཐང་བྱ་བར། ཡབ་སེང་གེའི་སྲས་སུ་ཡོས་ལ་འཁྲུངས། གདུང་རུས་རྩི། ལོ་བཅོ་ལྔ་ལ་ལུག་རུར་སངས་རྒྱས་ཇོ་བོ་ལ་རབ་ཏུ་བྱུང་། མཚན་ཚུལ་ཁྲིམས་མགོན་པོར་བཏགས། ལོ་བཞི་བསྟེན། ཚོགས་ཆོས་རྫོགས་པར་གསན། བཅུ་དགུ་ལ་བྲག་ཚབ་ཏུ་བསྙེན་རྫོགས་མཛད། དེ་ནས་སྐྱོར་མོ་ལུང་དང་། ཐང་སག་དུ་འདུལ་བ་དང་དབུ་མ་མཁས་པར་སྦྱངས། སངས་རྒྱས་སྟོན་པ་ལོ་བཅུ་གསུམ་བསྟེན། ལྐོག་ཆོས་རྫོགས་པར་གསན། ཡི་དམ་ཞལ་གཟིགས་པ། མངོན་ཤེས་མངའ་བ་སོགས་རྣམ་ཐར་དུ་གསལ། འཁོར་རྣམས་ལ་ངེད་ཡན་ཆད་དུ་བཀའ་བརྒྱུད་འདི་ལ་དམ་ཚིག་དང་ལྟ་སྤྱོད་ལ་ལྷད་དང་ཟེགས་མེད། བྱིན་རླབས་ཀྱི་བརྒྱུད་པ་མ་ཉམས། ཉམས་རྟོག་རྒྱུན་ཆད་མེད་པ་ཡིན་པས། ཁྱེད་ཞབས་རྟོག་བྱེད་པ་དོན་