[A:78b]bsnyen rdzogs zhus/ bka' gdams kyi chos rdzogs par gsan/ khyad par du sangs rgyas ston pa la sngags kyi rdzogs rim gsan pas/ 'od gsal kyi rtogs pa 'khrungs/ de nas lam dgon gyi gdan sa lo gsum mdzad dus thugs skyo ba cung zad skyes te sham po gangs la bzhugs pa/ lo bya yul gyi gdan sar spyan drangs nas lo bcu gsum mdzad/ nga dgu pa stag lo bya yul du gshegs/ sangs rgyas dbon po gzhon nu smon lam dgas por spre'u lo la 'khrungs/ dwags po spyi ther gyi dbon por grags/ rgyal steng gi gdan sa lo mang rab dang / de nas gdan sa gong lo gsum mdzad/ bdun cu rtsa gnyis pa lug lo zla ba gnyis pa'i tshes brgyad la lor gshegs/ rin po che bcu bzhi pa rlung sho sho nag thang bya bar/ yab seng ge'i sras su yos la 'khrungs/ gdung rus rtsi/ lo bco lnga la lug rur sangs rgyas jo bo la rab tu byung / mtshan tshul khrims mgon por btags/ lo bzhi bsten/ tshogs chos rdzogs par gsan/ bcu dgu la brag tshab tu bsnyen rdzogs mdzad/ de nas skyor mo lung dang / thang sag du 'dul ba dang dbu ma mkhas par sbyangs/ sangs rgyas ston pa lo bcu gsum bsten/ lkog chos rdzogs par gsan/ yi dam zhal gzigs pa/ mngon shes mnga' ba sogs rnam thar du gsal/ 'khor rnams la nged yan chad du bka' brgyud 'di la dam tshig dang lta spyod la lhad dang zegs med/ byin rlabs kyi brgyud pa ma nyams/ nyams rtog rgyun chad med pa yin pas/ khyed zhabs rtog byed pa don