[A:༨༣བ]བྱུང་པའི་ནང་ནས། དབུས་ཀྱི་བུ་ཆེན་གསུམ་ནི། ཀ་པ་དར་སེང་། རྣལ་འབྱོར་བྱང་སེང་། རྗེ་མོ་ཆོས་སེང་དང་གསུམ། གཙང་ནས་གཙང་ངུ་རིན་སྐྱབས། རྩིས་པ་གཞོན་ནུ་སེང་གེ་སོགས་བྱོན། དེ་ལྟར་བསྟན་པའི་བྱ་བ་རྒྱ་ཆེར་མཛད། དགུང་ལོ་བདུན་ཅུ་དོན་དྲུག་བཞེས་པ་ལ་ཟུལ་ཕུར་སྐུ་གཤེགས། གདུང་བཞུ་བས་ཐུགས་ལྗགས་རིང་བསྲེལ་སོགས་མང་དུ་བྱོན་ནོ། །དེ་ནས་སྒྱེར་སྒོམ་ཆེན་པོ་ནས་བརྒྱུད་པ་ཅུང་ཟད་བཤད་ན། དང་པོ་ཡར་ལུང་འཕྱོང་རྒྱས་ཀྱི་བང་སོ་པདྨ་ཅན་བྱ་བ། ཡོན་བདག་ཉི་མ་མགོན་གྱི་སྲས། སྒྱེར་ཤེས་རབ་སྐྱབས་ཟེར་བ་དབུ་རུ་སྣོན་མདའི་རོག་སྣར་ཡུལ་འཆུགས། བཙུན་མོ་ཚལ་སྟོད་ནས་ཀླུ་ལྕམ་བྱ་བ་ཁབ་ཏུ་བཞེས། སྲས་གསུམ་བྱུང་བ། ཁྲེ་ལ་སྟག བུ་མོ་སྟག ཁྲེ་ལ་དར་རོ། ཆེ་བ་ཁྲེ་ལ་སྟག་རབ་ཏུ་བྱུང་སྟེ། སྒོམ་པ་ཤེས་རབ་གྲགས་ཟེར། ཆུང་བ་ཁྲེ་ལ་དར་དགུང་ལོ་བཅུ་གཉིས་ལ་སྣོན་ཕུ་གཉེར་དུ། སྤྲུལ་སྐུ་བྱ་ཡུལ་བས་མཁན་པོ་མཛད། ཞང་སྙིང་ཕུག་པས་སློབ་དཔོན་མཛད་ནས་རབ་ཏུ་བྱུང་སྟེ། མཚན་གཞོན་ནུ་གྲགས་སུ་བཏགས། དགུང་ལོ་བཅུ་བདུན་ལ་སྣེའུ་ཟུར་དུ་བྱོན་ལོ་དགུ་བཞུགས། སྣེའུ་ཟུར་པ་གཤེགས་ནས་བྱ་ཡུལ་པ་ཆེན་པོ་ལོ་ལྔ་བསྟེན། བཀའ་གདམས་ཀྱི་ཆོས་སྐོར་རྫོགས་པར་ཞུས། སློབ་མ་བརྒྱད་བརྒྱ་ཙམ་བྱོན་པའི་ནང་ནས་གྲགས་ཆེ་བ། སྦ་བྱ་ཟུར་དང་གསུམ། དགེ་བཤེས་གཡོར་སྟོན། སྐྱིས་སྟོན། ལྷོ་བྲག་སྟོན་པ། དམར་སྟོན། ཁམས་སྟོན། སྟོན་པ་འོད་ཟེར་བླ་མ། སྨོན་ལམ་བཟང་པོ། སྟོན་པ་