[A:༡༧བ]འཛིན་དཔལ་བཤེས་གཉེན་གྱིས་རས་བྲིས་ལ་བརྟེན་པའི་དཀྱིལ་འཁོར་གྱི་ཆོ་ག་ཟུང་འཇུག་གསལ་བ་མཛད། འདི་ནི་འཕགས་ལུགས་ལ་དཀྱིལ་འཁོར་གྱི་ཆོ་ག་ཚད་ཐུབ་ཅིག་ཡིན་ཏེ། ཀླུ་བྱང་གིས་མཛད་པའི་དཀྱིལ་ཆོག་ཉི་ཤུ་པ་ལ་བརྟེན་ནས་དབང་བསྐུར་བའི་ཚེ་ཡང་དབང་གོང་མ་འདི་ནས་ཁ་སྐོང་བར་བཤད་པས་སོ། །སློབ་དཔོན་ཤཱཀྱ་བཤེས་གཉེན་གྱིས་གཞུང་མཛད་པ་ཆེར་མི་སྣང་ལ། འོན་ཀྱང་འཕགས་པ་ཀླུ་སྒྲུབ་ཀྱིས་མཛད་པའི་རིམ་ལྔའི་གཞུང་གི་རིམ་པ་གཉིས་པའི་མཇུག་སློབ་དཔོན་འདིས་མཛད་པ་ཡིན་ཏེ། འགོས་ཀྱི་སྟོང་ཐུན་ཆེན་མོ་ལས། སྲིད་པའི་གཟེབ་ལས་ངེས་གྲོལ་འགྱུར། །ཞེས་པ་ཡན་སློབ་དཔོན་ཀླུ་སྒྲུབ་ཀྱིས་མཛད་ནས། ཤེས་རབ་ངོ་བོ་ཉིད་འདི་ནི། །མན་སློབ་དཔོན་ཤཱཀྱ་བཤེས་གཉེན་གྱིས་འཕྲོས་ཁ་བསྐངས་པ་ཡིན་ཞིང་། རིམ་ལྔའི་རིམ་པ་གཉིས་པའི་མཇུག་ཏུ་ཁོང་པའི་མཚན་བཏབ་པའོ་ཞེས་གསུངས་པ་ལྟར་རོ། །འདི་ལ་ཡང་ཁ་ཅིག་ལེགས་སྨིན་ཀ་རས་རིམ་ལྔའི་འགྲེལ་པར་བཤད་ཟེར་ནས། སློབ་དཔོན་ཤཱཀྱ་བཤེས་གཉེན་ཀླུ་སྒྲུབ་ཀྱི་སྲས་ཀྱི་ཐུ་བོ་ཡིན་པས་དགེས་དགེས་མཛད་ནས། རིམ་པ་གཉིས་པ་ལ་ཤཱཀྱ་བཤེས་གཉེན་གྱི་མཚན་བྱང་བཅུག་པ་ཡིན་ཟེར་བ་དང་། འགའ་ཞིག་ཤཱཀྱ་བཤེས་གཉེན་ཀླུ་སྒྲུབ་ཀྱི་མཚན་གྱི་རྣམ་གྲངས་སུ་འདོད་པ་སོགས་ནི་མ་བརྟགས་པར་སྨྲ་བའོ། །དེ་ལྟར་ཡབ་སྲས་ལྔ་པོས་གཞུང་གི་དགོངས་འགྲེལ་དུ། ཀླུ་སྒྲུབ་ཀྱི་དགོངས་པ་སྐོང་བའི་སློབ་མ་ཟླ་གྲགས་ཀྱིས་འཕགས་པ་ཡབ་སྲས་ཀྱི་དགོངས་པ་བསྐྱེད་རྫོགས་ཟབ་མོའི་ཉམས་ལེན་རྣམས་མཐའ་དྲུག་