[A:17b]'dzin dpal bshes gnyen gyis ras bris la brten pa'i dkyil 'khor gyi cho ga zung 'jug gsal ba mdzad/ 'di ni 'phags lugs la dkyil 'khor gyi cho ga tshad thub cig yin te/ klu byang gis mdzad pa'i dkyil chog nyi shu pa la brten nas dbang bskur ba'i tshe yang dbang gong ma 'di nas kha skong bar bshad pas so/ /slob dpon shAkya bshes gnyen gyis gzhung mdzad pa cher mi snang la/ 'on kyang 'phags pa klu sgrub kyis mdzad pa'i rim lnga'i gzhung gi rim pa gnyis pa'i mjug slob dpon 'dis mdzad pa yin te/ 'gos kyi stong thun chen mo las/ srid pa'i gzeb las nges grol 'gyur/ /zhes pa yan slob dpon klu sgrub kyis mdzad nas/ shes rab ngo bo nyid 'di ni/ /man slob dpon shAkya bshes gnyen gyis 'phros kha bskangs pa yin zhing / rim lnga'i rim pa gnyis pa'i mjug tu khong pa'i mtshan btab pa'o zhes gsungs pa ltar ro/ /'di la yang kha cig legs smin ka ras rim lnga'i 'grel par bshad zer nas/ slob dpon shAkya bshes gnyen klu sgrub kyi sras kyi thu bo yin pas dges dges mdzad nas/ rim pa gnyis pa la shAkya bshes gnyen gyi mtshan byang bcug pa yin zer ba dang / 'ga' zhig shAkya bshes gnyen klu sgrub kyi mtshan gyi rnam grangs su 'dod pa sogs ni ma brtags par smra ba'o/ /de ltar yab sras lnga pos gzhung gi dgongs 'grel du/ klu sgrub kyi dgongs pa skong ba'i slob ma zla grags kyis 'phags pa yab sras kyi dgongs pa bskyed rdzogs zab mo'i nyams len rnams mtha' drug