[A:༦༤ན]ཡང་། ཇི་སྐད་དུ། འཁོར་ལོ་གཅིག་པའི་གྲོང་ཁྱེར་ན། །ཚོང་དཔོན་བུ་མོ་རྣལ་འབྱོར་མ། །རྡོ་རྗེ་ཕག་མོ་དེ་ཡི་བཀས། །འཁོར་ལོ་སྡོམ་པའི་རྣམ་བཤད་བྱས། །ཞེས་གསུངས་པས་ཤེས་སོ། །དེའི་རྗེས་སུ་སློབ་དཔོན་ཀོང་ཀ་ན་རྒྱལ་བ་བཟང་པོས་མཛད་པའི་དཀའ་འགྲེལ། དེའི་འགྲེལ་བཤད་སྐལ་ལྡན་གྲགས་པས་མཛད་པ། དེ་གཉིས་ཀྱི་བཤད་སྦྱར་ཏ་ཐཱ་ག་ཏ་རཀྵི་ཏས་མཛད་པ་སྟེ། དེ་དག་ཀྱང་མ་རྒྱུད་དང་མཐུན་པར་བཤད་པ་ཡིན་ཞིང་། དེ་དག་གི་བཤད་བཀའ་ལོ་ཆེན་ནས་བརྒྱུད་དེ་རྗེ་བཙུན་གོང་མ་རྣམས་ལ་ཡང་བཞུགས་སོ། །དེ་དག་གི་སྟེང་དུ་འོག་ནས་འཆད་པར་འགྱུར་བའི། ལྭ་བ་པ་དང་། ལྷས་སྦས། སུ་མ་ཏི་ཀིརྟི་རྣམས་ཀྱིས་མཛད་པའི་འགྲེལ་པ་རྣམས་ཏེ། རྩ་རྒྱུད་ཀྱི་འགྲེལ་པ་རྣམ་པར་དག་པ་ནི་དགུ་པོ་དེ་ཙམ་དུ་ངེས་པར་བཤད་དོ། །གཞན་ཡང་རྟག་པའི་རྡོ་རྗེའི་འགྲེལ་པ། ཨ་བྷྱ་ཀ་རའི་འགྲེལ་པ། ཀ་མ་ར་བྷུ་ཏིའི་འགྲེལ་པ་རྣམས་ཀྱང་བདེ་མཆོག་གི་དགོངས་འགྲེལ་ཡང་དག་པའོ། །གཞན་དཔའ་བོ་རྡོ་རྗེས་མཛད་པའི་འགྲེལ་པ་ནི། མཛད་བྱང་དུ་དཔའ་བོ་རྡོ་རྗེས་མཛད་ཟེར་བའི་འཁྲུལ་གཞི་བྱས་ནས། བསྟན་འགྱུར་བསྡུད་མཁན་དག་གིས་དེར་བསྡུས་ཀྱང་། ཟངས་དཀར་ལོ་ཙཱ་བའི་གསང་མཚན་དཔའ་བོ་རྡོ་རྗེ་ཡིན་པས་ཟངས་དཀར་ལོ་ཙཱ་བས་མཛད་པ་ཡིན་པར་བཤད་ལ། ཡང་བཤད་རྒྱུད་ཧེ་རུ་ཀ་མངོན་འབྱུང་ལ། ཀུ་མཱ་ར་ཙནྟྲས་མཛད་པའི་འགྲེལ་པ་དང་། རྡོ་རྗེ་མཁའ་འགྲོ་ལ་ནོར་བཟང་གིས་མཛད་པའི་འགྲེལ་པ་དང་། བྷ་ཝ་བྷ་དྲས་མཛད་པའི་འགྲེལ་པ་གཉིས་ཡོད་ཅིང་། ཡང་རྒྱུད་དེའི་ཞི་བའི་དཀྱིལ་འཁོར་དང་། ངེས་དོན་གྱི་