[A:༦༨བ]གྱིས་དེའི་མཆན་སྣ་བསྲིང་བ་དང་། སློབ་དཔོན་རིན་པོ་ཆེས་ཀྱང་དེའི་མཆན་སྣ་བསྲིངས་ཏེ་མཆན་ཞིབ་པོ་མཛད་ཅིང་། ལཱུ་ཧི་པའི་ཕྱི་རོལ་མཆོད་པའི་ཆོ་ག་དང་། དྲིལ་བུ་པའི་དཀྱིལ་ཆོག་གི་ཊིཀྐ་ཡང་མཛད་དོ། །རྗེ་ས་ཆེན་གྱིས་ཉུང་ངུའི་མཚམས་སྦྱོར་ཚིགས་བཅད་དུ་དྲིལ་བའི་ལེ་འགྲེལ། རྒྱུད་ཀྱི་ས་བཅད་ནག་འབུམ་དུ་གྲགས་པ་རྣམས་མཛད་ལ། ནག་འབུམ་ལ་ནག་པོ་པའི་རྣམ་ཐར། ནག་པོ་གཞུང་དྲུག་གི་བསྡུ་བ། གཞུང་དྲུག་གི་མཆོད་བརྗོད། གཞུང་དྲུག་གི་མཆོད་བརྗོད་དང་། བཤད་པར་དམ་བཅའི་དགོས་པ། གཞུང་དྲུག་གི་བསྡུས་དོན་དྲུག ཐོ་ཡིག་དྲུག་སྟེ་ཡིག་སྣ་བཅོ་ལྔ་ཡོད་པར་བཤད་ཅིང་། གཉན་ཕུལ་ཆུང་བས་སུ་མ་ཏི་ཀིརྟི། བླ་ཆེན་མལ། ས་ཆེན་གསུམ་གྱི་གསུང་བགྲོས་བྲིས་པའི་རྩ་རྒྱུད་ཀྱི་ཊིཀྐ་མུ་ཏིག་ཕྲེང་བ་ཞེས་བྱ་བ་དང་། ལཱུ་ཧི་པའི་འབྲུ་འབུམ་དུ་གྲགས་པ་མཛད། རྗེ་བཙུན་རིན་པོ་ཆེས་རྣལ་འབྱོར་མ་ཀུན་སྤྱོད་ལ་ཊིཀྐ་དང་། ལཱུ་ཧི་པའི་སྒྲུབ་ཐབས་རྒྱས་འབྲིང་བསྡུས་གསུམ་དུ་དབྱེ་བ་དང་། དྲིལ་བུ་བའི་སྒྲུབ་ཐབས། དཀྱིལ་ཆོག རིམ་ལྔའི་ཁྲིད་ཡིག་གསུམ་དང་། རྡུལ་ཚོན་ལ་བརྟེན་པའི་ནག་པོ་པའི་དཀྱིལ་ཆོག་དང་། ནག་པོ་བཤད་སྦྱར་རྣམས་མཛད། རྗེ་བཙུན་གྱི་དངོས་སློབ་ནུབ་པ་རིག་འཛིན་གྲགས་ཀྱིས། གཉན་གྱི་ཊིཀྐ་དེ་ཉིད་བདེ་རུ་བཏང་པའི་རྩ་རྒྱུད་ཀྱི་ཊིཀྐ་དང་། ལཱུ་ཧི་པའི་མངོན་རྟོགས་ཀྱི་འགྲེལ་པ་རྣམས་མཛད། དཀར་གྱིས་བླ་མ་བརྒྱུད་པའི་རྣམ་ཐར། རྩ་རྒྱུད་ཀྱི་ཊིཀྐ། ལཱུ་ཧི་པའི་སྒྲུབ་ཐབས་སོགས་མཛད། བླ་མ་དམར་ཆོས་ཀྱི་རྒྱལ་པོ་ཆུང་ངུ་ནས་ཡབ་གཤེགས་ཏེ། ཁུ་