[A:༧༠ན]གྱིས་རློབ་བྱེད་ཀྱི་ཞིང་སྐྱེས་ཀྱི་སྤྲུལ་པའི་སྐུ་རྣམས་འཛམ་བུ་གླིང་གི་ཡུལ་ཉི་ཤུ་རྩ་བཞི་ན་དངོས་སུ་བཞུགས་ཤིང་། དེ་དག་གིས་བསྒྲུབ་པ་པོའི་རྒྱུད་བྱིན་གྱིས་བརླབ་པར་བྱེད་ལ། དེ་ཡང་བྱིན་རླབས་མྱུར་དུ་འཇུག་པའི་ཐབས་ཟབ་མོ་ཡོད་པས་བདེ་མཆོག་གི་རྒྱུད་གཞན་གྱི་བཤད་སྲོལ་ཐམས་ཅད་ལས། གསང་མཐའ་འདི་ཁྱད་པར་དུ་འཕགས་པ་ཡིན་ལ། དེའི་ནང་ནས་ཀྱང་རྗེ་བཙུན་ན་རོ་པའི་མན་ངག་ཕམ་ཐིང་པ་སྐུ་མཆེད་ནས་བརྒྱུད་པ་འདི་ཁྱད་པར་དུ་འཕགས་ཏེ། དེའི་རྒྱུ་མཚན་ཡང་སློབ་དཔོན་ཟླ་བ་གྲགས་པས་བཤད་པ་ལ་ཚོགས་བཤད་དང་། སློབ་བཤད་གཉིས་སུ་བཤད་པ་ལྟར་འདིར་ཡང་ཡོད་པ་ལས། སློབ་དཔོན་པྲཛྙཱ་རཀྵི་ཏས་ན་རོ་པ་ལོ་བཅུ་གཉིས་ཀྱི་བར་བསྟེན་ནས་གདམས་པ་ཞུས་ཀྱང་ཚོགས་བཤད་ལས་མ་ཐོབ་པར་གྲགས་པ་ལྟར་ན་རོ་པའི་སློབ་མ་གཞན་རྣམས་ལ་ནི་ཚོགས་བཤད་ལས་མེད་ལ། འདི་པ་ལ་ནི་སློབ་བཤད་ཟབ་མོ་ཡོད་པས་སོ། །འོ་ན་དེའི་ཁྱད་པར་ཇི་ལྟ་བུ་སྙམ་ན། སྨིན་བྱེད་དབང་གི་སྐབས་སུ་དཔའ་བོ་བསྐུལ་བ། གྲོལ་ལམ་བསྐྱེད་རིམ་གྱི་སྐབས་སུ་ནག་པོ་པའི་ལུགས་ལྟར་ཕྱི་བསྐྱེད་རིམ་གཙོ་བོར་བསྒོམ་ཞིང་། དཀྱིལ་འཁོར་རྒྱལ་མཆོག་གི་ཞལ་ལ་ལུས་དཀྱིལ་བསྒོམ་པའི་སྒོ་ནས་བཀྲི། དེ་ཉིད་ལ་རྟོགས་པ་བརྟན་ནས་ཅུང་ཟད་ནང་ལ་གཞོལ་བའི་ཚེ་ཕྱི་དཀྱིལ་ཡང་སྒྲ་ཚུལ་ལས་བསྐྱེད། ལུས་དཀྱིལ་ཡང་སྒྲ་ཚུལ་ལས་བསྐྱེད་པ་ལཱུ་ཧི་པའི་ལུགས་ཀྱི་ཕྱི་ནང་མཉམ་པའི་སྒོ་ནས་བཀྲི། དེ་ཉིད་ལ་རྟོགས་པ་བརྟན་ནས་ནང་ལ་གཞོལ་བའི་ཚེ། ཕྱི་དཀྱིལ་ཕྱིའི་ཧེ་རུ་ཀ་གསལ་བཏབ་པ་ཙམ་བྱས། ལུས་དཀྱིལ་གཙོ་བོར་བསྒོམ་པ་དྲིལ་བུ་པ་ལུགས་