[A:༤༥བ]བོ་བརྒྱད་ཀྱིས་ཀླུ་བཞི་དང་ལྷ་མ་ཡིན་བཞི་བཏུལ་ཅིང་། གྲོང་མཐའ་དང་ཉེ་བའི་གྲོང་མཐའི། འཐུང་སྤྱོད་དང་ཉེ་བའི་འཐུང་སྤྱོད་ན་གནས་པའི་མིའམ་ཅི་བཞི། སྣ་ཚོགས་མ་སྟེ་ཕྲ་མེན་མ་བཞིའམ། ཡང་ན་མིའམ་ཅི་མོ་བརྒྱད་ནི། ཁྲོ་བོ་འཇིག་རྟེན་གསུམ་རྒྱལ་དང་། ལྷ་མོ་གཽ་རཱི་ལ་སོགས་པ་ཡབ་ཡུམ་བརྒྱད་ལ། སྒོ་བ་བཞིའི་ཡབ་རྣམས་གདོང་བརྙན་གྱི་ཚུལ་དུ་གནས། མཚམས་མ་བཞིའི་ཡབ་རྣམས་ཕྱེད་གཟུགས་ཀྱི་ཚུལ་དུ་སྦས་ནས་མ་མོའི་སྐུར་བསྟན་པས་མིའམ་ཅི་མོ་བརྒྱད་བཏུལ་ལོ། །མ་མཱ་ཀི་ལ་སོགས་པའི་ཡུམ་བཞི་ནི་སྙིང་པོའི་རྣལ་འབྱོར་མ་བཞིར་སྤྲུལ་ཏེ། དབང་ཕྱུག་གི་ཆུང་མ་བཞི་བཏུལ་བར་བཤད་ལ། དེ་དག་གིས་དེ་རྣམས་བཏུལ་ཚུལ་ལ་ཡང་། དབང་དུ་བྱེད་པ་དང་། ལོངས་སྤྱོད་པ་དང་། ཐིམ་པ་གསུམ་དུ་མཛད་ཅིང་། དབང་དུ་བྱེད་པ་ལ་ཡང་། ལུས་དབང་དུ་བྱེད་པ། ངག་དབང་དུ་བྱེད་པ། སེམས་དབང་དུ་བྱེད་པ་གསུམ་དུ་བཤད་ནས། ལུས་དབང་དུ་བྱེད་པ་ནི། མཉམ་སྦྱོར་ལས། སྡིག་མེད་སྟོབས་ཀྱི་ངོ་ཐོན་དུ། །དབང་ཕྱུག་དམ་པ་རབ་མནན་པ། །ལྷ་མོ་བྷི་མོས་འཕྲོགས་ནས་ནི། །དེ་ཚེ་ལོངས་སྤྱོད་རང་གིས་སྤྱོད། །ཅེས་པ་ལྟར། འདུལ་བྱེད་དེ་དག་གདུལ་བྱ་དེ་རྣམས་དང་མིང་དང་ཆ་ལུགས་མཐུན་པར་བསྒྱུར་ནས། དབང་ཕྱུག་ལ་སོགས་པའི་འཇིགས་བྱེད་གཙོ་འཁོར་རྣམས་བསྒྱེལ་ཏེ། ཆུང་མ་རྣམས་འཕྲོགས་ནས་དགའ་བ་བཞིར་ལོངས་སྤྱོད་པའོ། །ངག་དབང་དུ་བྱེད་པ་ནི་འཇིག་རྟེན་པའི་ཐོད་པའི་དུམ་བུ་ལ་སོགས་པའི་སྲོག་སྔགས་ཀ་ར་ཀ་ར་ལ་སོགས་པ་རྣམས་འཇིག་རྟེན་ལས་འདས་པའི་སྐུ་གསུང་ཐུགས་ཀྱི་སྙིང་པོ་ཨོཾ་དང་། ཧཱུྃ་ཧཱུྃ་ཕཊ྄་ཀྱི་བར་