[A:209]ཤྲཻ་ཡ་པེསྟུ།
འཇམ་མགོན་ངག་ཚིག་གྲུབ་པའི་དཔའ་བོ་ནི༎
དཔལ་ལྡན་མཁས་ཀུན་དགའ་བའི་རོལ་རྩེད་མཁན༎
བསྔགས་འོད་སྨིན་གྲོལ་མཆོག་གི་ཕྲིན་ལས་ཅན༎
བློ་གསལ་རྒྱ་མཚོའི་སྡེ་ཞེས་མངོན་སུམ་གྱུར༎
ཡོངས་འཛིན་མཁས་མང་ཞལ་གྱི་བདུད་རྩི་ནི༎
དད་མོས་བསམ་པའི་སྙིམ་པས་ལེགས་མནོས་ཏེ༎
གཅིག་ཏུ་གཞན་ལ་ཕན་པའི་གོ་ཆ་ལས༎
ནམ་ཡང་རང་གི་དོན་ལས་སྲེད་མ་ལགས༎
སྦྱིན་པའི་གཡབ་མོས་དབུལ་ཕོངས་ཕྱོགས་ཀྱི་མགྲོན༎
མ་བོས་ངང་གིས་མདུན་དུ་ཉེར་ལྷགས་ཚེ༎
གཏོང་ལ་རྗེས་ཆགས་རབ་བརྩེའི་སྤུ་ལོང་དག༎
འབད་པ་མེད་པར་ལན་བརྒྱར་གཡོ་བ་ཉིད༎
སེམས་ཀྱི་ཀུན་རྟོག་སེར་སྣའི་མདུད་གྲོལ་བ༎
བདག་ལ་མི་སྦྱིན་བསམ་པ་འགའ་ཡང་མེད༎
མ་ཆགས་དངོས་པོ་སྲང་མདོའི་རྩྭ་བཞིན་ཡང༎
ཡོངས་སུ་གཏོང་ལ་ཞུམ་པ་ག་ལ་ཡོད༎
ལན་ལ་མི་རེ་གྲགས་པ་དོན་གཉེར་མིན༎
ཕ་རོལ་ཡིད་བདེ་བདག་སེམས་རངས་པའི་ཚུལ༎
ཟོལ་མིན་སྙིང་ནས་ལྷག་བསམ་དག་པ་ཡང༎
འདི་ན་དུས་གསུམ་རྒྱལ་བས་མངོན་པར་