[A:209]shrai ya pestu/
'jam mgon ngag tshig grub pa'i dpa' bo ni//
dpal ldan mkhas kun dga' ba'i rol rtsed mkhan//
bsngags 'od smin grol mchog gi phrin las can//
blo gsal rgya mtsho'i sde zhes mngon sum gyur//
yongs 'dzin mkhas mang zhal gyi bdud rtsi ni//
dad mos bsam pa'i snyim pas legs mnos te//
gcig tu gzhan la phan pa'i go cha las//
nam yang rang gi don las sred ma lags//
sbyin pa'i g.yab mos dbul phongs phyogs kyi mgron//
ma bos ngang gis mdun du nyer lhags tshe//
gtong la rjes chags rab brtse'i spu long dag//
'bad pa med par lan brgyar g.yo ba nyid//
sems kyi kun rtog ser sna'i mdud grol ba//
bdag la mi sbyin bsam pa 'ga' yang med//
ma chags dngos po srang mdo'i rtswa bzhin yang//
yongs su gtong la zhum pa ga la yod//
lan la mi re grags pa don gnyer min//
pha rol yid bde bdag sems rangs pa'i tshul//
zol min snying nas lhag bsam dag pa yang//
'di na dus gsum rgyal bas mngon par