[A:118]gda' na'ang gong gi 'phros las 'di nyid cung zad brjod na/
po ti bse ru las/ 'bangs kyi mi rabs la/ 'byung ba sna lnga'i snying po la/ sgo nga chen po gcig yongs pa/ phyi'i sgong shun la lha brag dkar po chags/ nang gi sgong chu la dung mtsho dkar mer 'khyil/ bar gyi sgo nga'i dar cha la/ / rigs drug sems can kun tu grol/ / sgo nga 'phrum gyi bco brgyad chags/ / sgo nga bco brgyad 'bring po de/ / dung sgong gcig tu yar nas byung // zhes bshad pa ltar/ dung gi sgo nga de la dbang po lnga dang yan lag rnams so sor dod de mtshar sdug gi khye'u yid la smon pa lta bu zhig byung bas ming ye smon rgyal por btags/ de'i jo mo chu lcag rgyal mo la/ 'phrul sras dbang ldan 'khrungs/ des dung bza' dngul mo blangs pa la/ kwo sras skyes gcig 'khrungs/ de'i sras mi rabs mched gsum las/ chung ba stag tshal 'al 'ol gyi jo mo 'tshams bza' khyad khyud la sras mgur lha mched bzhi byung / chung ba'i sras yab lha sde drug gi chung ba 'o de gung rgyal gyi jo mo lha mo la/ lha tsha mched dgu byung / jo mo gnyan mo la gnyan tsha mched dgu/ jo mo rmus mo la/ rmu tsha mched dgu/ jo mo klu bza' la klu tsha mched brgyad byung / kun bsgril bas sras sum cu rtsa lnga byung / de rnams kyi chung ba sne khrom lag khra'i jo mo lha lcam la/ la kha rgyal po 'khrungs/ de'i jo mo lung kha hril mo la sras gsum gyi che ba mthing gi/ de'i jo mo lha lcam dkar mo la sras bod 'jongs la brang gi rmu bza' mthing bsgril khab tu bzhes par rgya khri la zhang 'khrungs/ de la sras rgyal po che chung gsum/ brgyud brgyad yod pa las/ chung ba'i jo mo mthing mo la sras gsum byung ba'i khri rje gnyan thang gi sras dpal lha/ de'i sras a mi mu zi khri do'i jo mo gnyan bza' sha mig la sras gsum dang / rmu bza' la sras gcig sren bza' la sras gnyis te drug byung