[A:123]/ bod khams yongs kyi bdag po 'ong / / zhes lung bstan pa/ 'jam dbyangs gong ma rgyal po'i pho brang tshun gyi mchog dman gyi skye bo mtha' dag gi mig dang rna ba'i spyod yul du gyur pa de ltar yin la/ 'di'i jo mo skal ldan ma la sras dpal gyi sangge/ gnyan thog a khrom/ stag tshab gsum las/ 'bring po gnyan thog a khrom gyi sras gnyan po nya mog khri/ de'i sras rlangs ston bya zhu nag po/ de'i sras a seng / de'i sras a ser/ de'i sras skyabs bdun dpal dang brgyad/ btsan dang dgu zhes pa'i che ba yon chen rgyal ba skyabs yin la/ de yang rlangs stod tho yi spyi dpon mdzad/ mgo rum seng ges rgya bcom/ rtse 'thon gyis drag po spun bzhi btul/ ldong sras kyis 'dan yul dbang du bsdus pa sogs 'jig rten mi chos nas mngon par mtho ba shin tu mang zhing / dam pa'i lha chos kyi sgo nas/ byang chub 'dre 'khol ni gong du smos zin pa dang / de'i sras gsum gyis dpag par dka' ba'i sprul sgyur mdzad pa dang / rlangs khams pa go chas rab tu byung ba'i sad mi mi bdun gyi bar mar grags/ rlangs dpal gyi sengges slob dpon chen po'i thugs sras mdzad de grub pa brnyes/ ye shes rdo rjes nyi ma ltong la mnan/ ye shes sengges dpal thang du jag pa btul/ dpal gyi 'byung gnas kyis lha 'dre dam la btags/ dar ma sengges dur khrod bsil ba tshal du byon/ dpal gyi rdo rjes nyi zer la chos gos bkal ba sogs grub pa brnyes pa'i mthu stobs dang rdzu 'phrul dpag par dka' ba sha stag tu byon pa yin no// smras pa/
'chi ba med pa'i lam las legs 'ongs lha rigs rlangs kyi pad dkar tshal//