[A:59]khyod la rngan par byin no zer bas/ lce dar sham tsam pa lan gnyis su byung yang ma zin/ der mu stegs kyis/ ro lan cig 'ong ba de ma zin na/ nged rang gnyis kyis 'go byas pa'i srid pa gsum gyi sems can gsod pas sgrims shig zer ba dang / lce sos bzung nas bcad pa ral grir gyur pa dge tshul gyis nam mkha' la dbyugs nas ri rab kyi khar phyin/ gling bzhi gling phran lcog dang bcas pa legs par bltas nas slar mu stegs la gtad/ ro gser du gyur pas yo byad byas nas/ ri rab gling bzhi gling phran dang bcas pa la dpe byas nas bzhengs pa o tanta pu ri'i gtsug lag khang zhes bya ba ya mtshan can zhig yod pas/ de la dpe bya bar gsungs te/ dge byed ces pa chu pho stag gi lo la bsil ldan kha bas bskor ba'i do rar 'khod pa'i lus can kun gyi bsod nams kyi zhing rlabs po cher gyur pa dpal bsam yas mi 'gyur lhun gyis grub pa'i gtsug lag khang gi rmang btings/ rgya khyon gyi tshad/ btsad po rang gi mda' rgyang gang bya bar gsungs pas/ blon po rnams kyis lkog tu bgros te/ rje'i mda' rgyang gang la gzhan gyi gsum yong bas de tsam mi 'grub cing / bka' bcag pa yang mi rigs pas thabs shig byed par mthun te/ mda'i smyug sbugs su dngul chu blug pas gzhan gyi mda' rgyang gang dang mnyam pa byung la/ de yang dbu rtse ri rab gling bzhi gling phran brgyad/ yaksha gong 'og nyi zla/ mthar lcags ri/ zur bzhir mchod rten/ sgo bzhir rdo ring khyad par jo mo'i gling gsum dang bcas pa/ slob dpon gyis dregs pa can thams cad las la bkol bas nyin mis brtsigs pa bas/ mtshan lha 'dres brtsigs pa mtho bar gyur/ dus der rgyal po'i mnal lam du has po ri'i rtser byon pas shAkya thub pa gtso 'khor dgu sangs rgyas dngos kyis byin gyis brlabs pa 'dug pa gzigs pas dgyes pa'i rnam 'gyur mdzad pa'i ngang la mnal sad de/ nang