[A:60]par blon po khams pa go cha khrid nas gzigs par byon pas/ bye ma'i 'og nas rdo sku rang byung thon te gtsang khang du spyan drangs pas sa g.yos pa sogs ltas khyad par can byung ba'i/ jo bo byang chub chen po nang rten du bzhugs pa'i ma hA bo dhis thog drangs/ 'og khang bar khang steng khang 'khor sa bar ma dang chen mo/ gling gzhan rnams kyi bde gshegs zhi khro 'khor dang bcas pa'i sku'i snang brnyan thams cad 'dren byed kyi dga' ston rmad du byung ba'i zil mngar du gyur/ khyad par mchod rten dkar por ma ga dha'i rgyal po'i sgo mdun gyi rin po che'i bum pa nas blangs pa'i bde bar gshegs pa'i gdung ring bsrel dang / mes kyi gnyan po gsang ba dang mdo lnga bzhugs pas byin rlabs mchog tu che bar grags shing / 'gro bza' khri rgyal mang mgo btsun gyis dge rgyas kyi lha khang la/ pha ming thag ring zhing sras med pas/ zhig gsos dang mchod pa 'byung bar dka' bar bsams te/ rtsig pa so phag la zha nye'i chu sbyar/ zangs kyi thog bkab/ mchod par rol mor cong btags/ mar mer rin po che margad sku gzugs kyi dpral bar btab zer/ pho yong bzas bu tshal gser khang logs la rtsig pa med pa/ nang na ka ba med pa sogs bzo sna bcu gsum gyis khyad par du 'phags skad/ de yang lo rgyus smra la zla med dpal ye bzang rtse bas/ rgyal po'i 'khrungs lo gsal bar ma mdzad 'dug cing / mkhas pa'i dbang po bu ston rin po che sogs sa rta la 'khrungs par bzhed la/ sba bzhed du rgyal po yos la 'khrungs pa'i dgung lo bcu gsum pa yos steng du gtsug lag khang brtsigs par bshad na'ang / rgyal po'i dgung snying rta lor 'dod pa rnams kyis gtsug lag khang yos la brtsigs par smra ba khungs che bar ma mthong zhing / blo chung rnams gtsug lag khang rgya khyon ha cang che bas lo lnga tsam la mi bgrub snyam pa 'char yang / dus de'i mkhan slob chos gsum sogs du ma zhig bde bar