[A:81]gtad zin kyang / gar log dang 'thab pa'i dmag dpon du byon pas g.yul pham ste btson du shor ba na/ gar log gis dkon cog gi skyabs 'gro 'dor ram/ lus kyi ljid dang mnyam pa'i gser gang yang rung ba byung na phyir gtong zhes padma kha byung bas/ dbon sras rnams kyis gser mang du btsal kyang yun du 'gor zhing / ye shes 'od kyi gsung las/ da nged na tshod mthon por gyur pas 'di nas thon kyang bstan 'gro la phan par dka' bas/ gser rnams kyis paNDi ta spyan drongs la chos dar bar byed pa'i bka' gnang ste/ mi ring bar grongs/ las chen kun rgyal bas/ lha bla ma ye shes 'od gser 'tshol du byon pa/ gar log gi btson du bzung bar bshad pa ni/ skye bo phal pa nor slong ba lta bu'i rnam pa shar ba blo gros dman pa ste/ 'di nyid mnga' ris kyi btsad po chen po yin pas/ rgyu mtshan zhib tu ma dpyad pa'i skyon no/ / dus skabs de dag tu rnga la zhon nas nam mkha' la 'phur thub pa'i rdzu 'phrul can/ a ra mo bandhe bco brgyad sogs kyi lugs 'dzin du mas skye bo mtshon gyis gsod pa dang / sha chang bud med la bag med tu spyod pa dang / 'dul ba'i bstan pa yang gong du bla chen po sogs nas brgyud de dar rgyas che bar yod na'ang / bstan pa snga dar gyi paNDi ta'i phyag srol phal cher nyams/ gsar du paNDi ta tshad thub mang du ma byon pa sogs kyis/ bod ston rnams kyis so so'i 'dod sbyar gyi lugs re byas pas/ bslab ba'i gnas phra zhing zhib pa mtha' dag lung sde bzhi/ de dag gi 'grel pa dang bcas pa'i dgongs pa bzhin 'phags yul mkhas pa'i lugs dang mthun pa zhig med par mkhyen nas lha bla ma byang chub 'od kyis/ gangs can gyi ljongs 'dir/ log par rtogs pa'i tshul min gyi mun pa drungs nas phyung bar bya ba'i gnas lnga mkhyen pa rta ljang gi dbang po lta bu zhig spyan drang bar dgongs so/ / 'on kyang las chen kun rgyal bas/ a tsarya dmar