[A:486]sgo nas ji ltar 'byung ba bzhin du klog yig slob par mdzad cing thams cad mthar phyin par mdzad do/ /dgung lo bdun pa la slob dpon de nyid kyi drung du brtag gnyis kyi gzhung bzung / shar chen pas mdzub khrid dang / rta thog slob dpon dpal ldan bzang pos sa bcad bsre ba'i grogs mdzad pa la sogs pa mthar phyin par mdzad/ dgung lo brgyad pa la rnam gzhag mdzad par dgongs nas/ chos rje ye shes rgyal mtshan gur na bzhugs pa'i dus su sku mdun du/ nyi ma'i gung la slob dpon sangs rgyas rgyal mtshan pa dang gnyis ka byon nas mdzub khrid mthar phyin nas/ rnam gzhag mdzad par skabs su babs pa na/ ta'i si tu bsod nams dpal bas/ nye gnas grub pa'i bu rnam gzhag byed pa'i ston shog gi dkar ru ma nged kyis byed pa yin gsung nas/ shog bu rtse chen ma bong rgyab du ma'i dkar ru ma mdzad do/ /gzhi thog pa rta wen kun dga' rin chen pa la de'i rgyu mtshan zhus pas/ 'o na de 'thad/ btsun pa byas ming kun dga' bzang po thogs/ ngas yi ge byed gsungs nas/ /rang re gzhi thog pa la gtogs pa rnams la springs pa/ kun dga' bzang po re zhig slob dpon chen po shar pa'i drung du slob gnyer byed du bcug pa yin pas/ sus kyang rtsod pa ma byed bya ma gnang / de yang phyi de lo chos dus tshogs pa dang / dgung lo dgu pa la rab byung mdzad nas lo de la chos khri thang du rang gi slob dpon de la sogs pa mkhas pa mang pos gsol ba btab nas brtag gnyis tshig don dang bcas pa thugs las gsungs la/ de phyin chad lo grangs mang du rgyud tshar re gsungs/ des na gzhan las phul du byung ba'i rnam gzhag dang dga' ston
gyang po'i rnam thar du dgung lo bcu gnyis pa la yin par bshad/
rgya chen po mdzad nas/ chos gsungs pas chos dang dga' ston gnyis ka la kun gyis ngo mtshar du 'dzin par gyur to/ /gnyis pa rab tu byung